Page 23 - ATA

Diasabra, 21 April 2018
Parlamentario di Fraccion AVP, Michael Lampe:
Tin papia pa bin cu Boutique Hotel den parke
Tin yen preocupacion p’e situacion minister Oduber y directiva di Arikok
AWEMainta 9
DEN Parlamento ta tumando luga reunion di
presupuesto 2018 y pa esaki Parlamentario di
Fraccion di AVP, Michael Lampe, a haci pre-
guntanan na Minister Otmar Oduber riba e
topico di medio ambiente. A concentra riba e
situacion di Parke Nacional Arikok.
Esaki ta algo cu ta biba den comunidad pa loke
ta trata naturalesa y e importancia di e parke,
mirando riba e disputa entre minister y direc-
tiva. Ta importante pa scucha for di minister
mas miho kico ta pasando y si e stichting aki
no ta trahando na beneficio di parke. Tambe
kier sa kico ta e disputa, e preocupacionnan
cu tin. Parlamentario Lampe kier sa mas con a
bay cu e desacuerdo entre minister y directiva,
cual ta yegando asina leu y ta mustra cu tin
cierto kiebro den esaki. Ta importante pa sa
con minister ta manehando esaki.
Tur esaki ta preguntanan cu ta hopi impor-
tante p’e maneho di Parke Nacional y tambe
den e maneho di e reunion publico. Parlamen-
tario Lampe a haci diferente pregunta cu ta
di importancia pa pueblo di Aruba sa kico ta
pasando y con ta hibando e maneho. Esaki ta
specialmente pasobra tin rumornan cu minis-
ter Otmar Oduber tin plannan pa bin cu un
boutique hotel den parke y p’esey a haci pre-
gunta riba e punto aki pa sa ki berdad tin riba
esaki. A haci e preguntanan aki pa asina haya
un siguransa di minister cu esaki no ta e caso.
Pero si esaki ta e caso con e lo afecta e medio
ambiente. Tur tabata preguntanan pa medio
ambiente.
E reunion di diabierna a mustra cu a sali na
mustra e aporte di hiba un discusion sano y
profesional den Parlamento. Na final di dia
esaki ta beneficia pueblo, tambe e ta beneficia
e esencia con ta yega na contestanan, con ta
yega na e puntonan, e respet pa otro. A hiba e
reunion na un nivel poco mas trankilo y par-
lamentarionan a trece nan punto di bista pa-
dilanti desde tur angulo.