Page 44 - EXTRA12DEC2015

44 Djasabra 12 Desèmber 2015

‘MEMOIRS’ DI RUDY
DOVALE RIBA MERKADO

WILLEMSTAD.- Rudy
Dovale ta skibi di su yegada
na Kòrsou na 1948, tempu
ku el a yega aki komo un
‘hearing aid consultant’
pa e kompania Beltone. E
tabata biaha entre tur tres
isla pa asina yuda hendenan
ku problema ku oido. Tambe
e ta konta kon huntu ku su
kasá Helen nan a lanta un di
e agensianan di publisidat
mas eksitoso na Kòrsou i
huntu ku esei nan a lanta un
kompania ku tabata produsí
i distribuí algun mion
revista di turismo ‘Holiday’.
Tabata repartí e revista
aki riba tur e islanan, den
hotèlnan, avionnan etc. loke
tabata yuda e popularidat di
e islanan ABC den Karibe.

Dovale ta finalisá
shete dékada den ABC na
momentu ku el a lanta un
kompania marítimo ku ta
hasi importashon, benta i
duna servisio na botonan
di marka Sunfish, Boston
Whaler, Aquasport, Robalo,
Bertram, Hatteras i otronan.

E buki di Rudy Dovale ta
kontené mas ku 80 página
ku foto di koleganan i
amigunan. Rudy Dovales’
Memoirs-70 years in the
Antilles ta na benta na
Addo, Bruna, Flamingo, De
Witt, Mensing i Samson.

Kontinuashon di pagina 4
LIDER NOBO PUEBLO

partidonan, entre otro
PAR. Wiels a bisa ku e lo
no traha nunka ku PAR.
Cordoba: “Wiels a bai
partido i a bisa dilanti nan
kiko e tabata para p’e. I
reunion a bis’é dalbai komo
ku PS ta e partido mas
grandi. Mi mes tabata un di
esnan ku tabatin duda pero
ta e tabata lider polítiko i ta
e ta karga e responsabilidat
pa e kambionan ku el a hasi.
Tabata kambionan ferfelu
pero kambionan nesesario.
Mi a bisa tur hende tambe
ku si ta nan intenshon pa
bandoná nos partido pa
bai vota pa otro partido,
entre nan esnan ku a duna
órden pa mata Wiels, anto
nos mes ta duna nan ganá.
Nos mester mustra nan ku
maske kiko a pasa nos ta
sigui vota pa nos partido i
ku nos partido lo bin bèk.
Mester manda un mensahe
ku ni maske ken mata, ta
sigui sostené e partido.
Nan intenshon tabata pa
kibra e partido pero awor
miembronan mester disidí
ku e partido ta keda nan
tòp”, asina Cordoba a bisa.
E reunion ta awe nochi na
sede di e partido na Nijlweg.