Page 46 - EXTRA12DEC2015
P. 46
46 Djasabra 12 Desèmber 2015
Kontinuashon di pagina 6
NO POR SPERA KU LOKE A
plaka aki a keda den kas
i bai bèk den ekonomia. Por
sierto, e mester a rekordá ku
e proyekto yama “enseñansa
liber” i no “Enseñansa
grátis”. Nada den e mundu
aki no ta grátis.
FEFFIK
Seguidamente e
parlamentario a toka e tópiko
di Feffik. Na su konsepto
ta for di aña 2010 Feffik a
kuminsá haña atenshon ku
por bisa ku el a bira loke e ta
awe. Tin hopi kosnan ku tin
di mehorá na Feffik. Pues e lo
kier a sa di e minister kuantu
studiante di Feffik ku a
gradua den e periodo di 2010
bini ariba a haña trabou.
Minister por splika kiko ta e
plannan pa ku enseñansa di
fishi (TVET)? Loke tin riba
presupuesto ta sufisiente
pa apliká e plan aki? Segun
Leonora, e ta duda ku loke el
a mira riba presupuesto lo ta
sufisiente pa ehekutá e plan
pa formashon di fishi, TVET.
Minister por splika kiko ta
e plannan pa rekapasitashon
di maestronan den enseñansa
di fundeshi, sekundario
etc. Kiko e direktivanan
di skol ta hasiendo riba
tereno di rekapasitashon
di maestronan? Ku ki
frekuensia esaki ta tuma
lugá? Ki dia tabata e último
biaha ku esaki a tuma lugá?
