Page 10 - HOH

A3
LOCAL Diasabra 25 aPriL 2020
Dr. Yuri Casseres di Hospital Dr.Horacio Oduber

‘Hospital lo brinda e cuido normal pero stap pa stap’

ORANJESTAD - Den un conferencia di prensa cu
Gobierno di Aruba a presenta, tambe tabata pre-
sente Dr. Yuri Casseres, specialista di Hospital Dr.
Horacio Oduber ken a trece dilanti un relato di con
hospital a cuminsa prepara prome cu un pashent di
COVID-19 a yega, y pasonan cu lo wordo tuma pa
futuro, pa asina mantene contagio na nivel minimo.

Casseres a splica cu prome cu coronavirus a yega na Aruba,
nan a conforma un ekipo pa desaroya na momento cu ca-
sonan lo presenta den hospital.
Di mesun manera, el a bisa cu te ainda e casonan a keda
bon controla y cu hospital por a maneha e casonan aki di
manera cu nan por recupera di un bon manera. Na e mo-
mentonan aki, nan tin 4 caso den hospital, dos cu ta riba
piso y dos cu ta den cuido intensivo.

E medidanan di hospital hunto cu medidanan di gobierno
tabata estricto, no tabata pa famia pa motibo cu nan no por
bishita e pashent den hospital. Pero cu e medidanan a logra
cu den hospital mes no tabatin ni un transmision entre
empleado y tambe cu medidanan di proteccion cu a wordo
aplica y con nan ta mantene e social distancing den hospital
cu a logra tur esey.

Casseres a expresa cu ainda nan tin afdeling special pa pa-
shentnan cu COVID-19 y pashentnan cu tin sospecha di
haya COVID-19. E persona ta yega te afdeiling ora ta yega
e momento cu su test a sali negativo y nan por bay na un
afdeiling nobo bek; of pashent cu ta den cuarentena cu
tambe ta den e afdeling. Asina mes a señala cu e afdeiling
no tin hopi pashent. Cadaa dia ta bin extra pashent cu so-
specha, pero e siguiente dia nan ta bay bek un piso normal
ora cu e test ta sali negativo.

“Nos ICU tabata y ta bon prepara ainda”, Casseres a de-
clara. Tambe a menciona cu nan a train personal di otro
departamento por si acaso nan mester usa mas cama den
ICU cu tin mester di haci uso di e personal. Nan tambe
a wordo usa pa motibo cu ora un pashent di COVID-19
ta na ICU ta hopi intensivo, e pashentnan mester wordo
draai riba nan bariga y un hende so no ta haci esey.
Di esaki el a comenta cu nan tin un ekipo special hunto cu
e dokternan intensivista, cu ta traha masha hopi mes y te
ainda nan ta sigui traha asina pa motibo cu cada pashent ta
hopi intensivo Manera e dokter mes a sigura, door di nan
cuido tambe a logra cu dos di e pashent a bay riba piso.

Pa e personal mes nan tabatin y nan tin un ‘test centrum’,
na unda tur mainta tur personal medico ta yena un lista
cu pregunta, si nan a sinti algun sintoma, pa nan bay test y
haya e resultadonan e siguiente dia pa asina por mantene
den hospital e transmision na un minimo. “Algo cu nos a
logra” Casseres a menciona.
Ademas, el a laga sa cu ultimo simannan tabatin pashent y
hendenan cu no por haya e cuido cu nan tabatin mester, pa
via cu nan a concentra nan mes riba COVID-19. Pero cu
tambe el a sigura cu nan a concentra riba casonan cu tabata
esencial cu no por a warda y casonan cu tabata den emer-
gencia y esey a sigui normal.
Tambe, Casseres a afirma cu nan a opera pashentnan un tiki
menos, ademas cu lo amplia e cuido. “Lo brinda e cuido
normal cu hende tin deber di haya, pero nos lo haci ‘stap
pa stap’”, Casseres a manifesta. Tambe ta pidi e respon-
sabilidad di cada persona na momento di drenta hospital
of policlinico pa asina pasa via screening, pa di e manera
aki ta sigur cu e transmision den hospital lo keda den un
minimo.

Di esaki, Casseres a bisa cu nan ta planeando tur esey, esaki
no ta bay solamente pa e area di operacionnan, ni afdeil-
ing, sino cu ta bay ta un full proceso cu mester atencion.
Tambe mester tene na cuenta cu nan ta bay mantene dis-
tanciamento social den hospital, cu ta nifica cu hospital no
lo ricibi hopi hende.