Page 16 - MIN ECEM 23 JUNE 2017
P. 16
di un condominium. Gran factor pakico e volume aki a cay ta debi na e bishitantenan
Venezolano cu no ta e turista tradicional. Contrario, e meta di nan bishita tabata husto
pa nan hiba hopi Dollar Mericano back pa nan pais.
Excluyendo e volume ey, ta keda e bishitante ‘normal’ di Venezuela, cu manera indica
aki riba, ta scoge grandemente pa ‘otro tipo’ di acomodacion cu por ta pa gran parti
‘condominiums’. Pa aña 2016, un total di 66.6% di e bishitantenan Venezolano a keda
na ‘otro tipo’ di acomodacion cu no ta hotel. Esakinan tabata inclui tambe, den e aña
aki, apartamentonan barata cu tabata worde uza pa e bishitante Venezolano ‘no
tradicional’, cu awo no ta bishita mas.
Parti esencial di e strategia di A.T.A. tabata pa sigura cu entrada pa medio di turismo
worde afecta menos cu ta posibel. Pa esaki a inverti entre otro aña pasa AWG. 4 miyon
adicional den mercadeo na Merca, cual a pusha resultado di ultimo kwartaal di 2016 y
di e prome 5 lunanan di 2017.
Hotelnan / AHATA:
Segun Aruba Hotel and Tourism Association pa e luna di mei, e ‘Average Daily Rate’
(ADR) a aumenta cu 3.9% compara cu 2016. Esaki den cifra ta US$ 188.54 na 2016
compara cu US$ 195.95 pa 2017. E entrada pa camber disponibel, e asina yama
RevPAR a aumenta cu 14.5% di US$ 142.98 na 2016 pa US$ 163.68 na 2017. E
anochinan ocupa pa camber a aumenta cu 12%.
