Page 13 - BNDIA ARUBA

a13
riba caya Diahuebs 12 December 2019
Homber a hinca dama den apartamento na Seroe Blanco

SEROE BLANCO - Diaranson mainta na un apartamento na Seroe
Blanco a sosode un problema di pareha cu a bay for di man, na unda e
homber lo a hinca e dama.

Tanto ambulance como polis a presenta cu urgencia na e sitio debi. Paramedico a
brinda asistencia medico na e señora, pero no tabata algo di gravedad. E homber
a keda deteni, recherche tambe a acudi na e sitio pa tuma dato y e homber a keda
hiba warda pa interogacion.

Ladron a kibra drenta den Big Bazaar

ORANJESTAD - Diaran-
son durante oranan di
marduga alarma di Big
Bazaar den Hendrick-
straat a activa indican-
do cu tin movecionnan
paden, tanto e patrol y
polis a acudi na e sitio.

A controla na e luga y parti
patras a constata cu e ben-
tana y e hero ta destrui. Ora
e persona encarga cu e luga a
habri porta paden a constata
cu di berdad ladron a yega na
unda e caha ta y bay cu algun
cos. Polis a tuma dato y a no-
tifica recherche.

Señora bebi a dal tras di otro auto

DAKOTA - Diaranson
prome cu 7:30 di mainta
riba Avenida Milo Croes
net dilanti di stadion a
sosode un accidente unda,
Nissan Sentra a dal tras di
un BMW.

E chauffeur tras di stuur di e
Sentra tabata bou influencia,
roadservice a solicita pa polis
di trafico.

Polis di trafico a presenta y
a pasa un test e chauffeur y
el a surpasa e limite basta pa
core auto bou influencia di
alcohol, a keda deteni y hiba
warda.

Tanto e Sentra y e BMW a
haya daño.