Page 43 - KPA_

Autoridadnan a conta mas cu 150 borchi propaganda riba caminda

Publication: Tuesday, 5 May 2015. Categoria: Policial

for di Drive-In pa rotonde di Tanki Flip

ORANJESTAD (AAN) Aunke hopi hende a spanta y a core kita borchi poni riba e caminda di
Santa Cruz pa Tanki Flip, durante un control diaranson ultimo den oranan di mainta cu a tene un
control bek, ainda a topa cu e borchinan di propaganda cu ta wordo poni banda di caminda, den
su mayoria sin cu e permiso necesario a wordo pidi pa esaki.

Un di e miembronan di e grupo di control aki, a splica cu den e simannan prome cu nan a pasa
over pa e control, e funcionarionan di Cuerpo Policial, DOW y otro departamentonan concerni di
Gobierno, a haci un evaluacion riba e ruta largo for di Santa Cruz te cu e rotonde di Tanki Flip.
A keda constata cu tin un poco mas cu 150 borchi di diferente tipo di propaganda poni banda di
caminda.

Despues di e evaluacion aki, ma so menos dos siman pasa, Cuerpo Policial Aruba hunto cu
DOW y DIP a anuncia cu tur hende of compania cu tin un borchi poni riba tereno publico, sin
permiso di DIP, mester kita nan boluntariamente sino ta tuma accion. A dura algo mas di un
siman y mayoria no a cumpli.

Cu esey den mente, diamars Polis, DOW hunto cu DIP a sali pa kita tur borchi instala riba e
caminda di Santa Cruz, for di rotonde di Tanki Flip te na Drive Inn. A kita decenas di borchi,
entre nan e borchi di “I Love MEP” cu tin poni dilanti cede di partido politico MEP na Santa
Cruz, y cual despues di a haci e tramitenan necesario, a pone esaki bek un dia despues.

Apesar di e advertencia riba diamars, e siguiente dia a sigui cu e control y a ainda a topa cu
borchinan di propaganda. Por a constata cu dilanti Pacifico Paradera tabatin un borchi
propaganda grandi di Casibari, cual tambe a wordo kita.

Autoridadnan ta recorda tur hende,no solamente esnan riba e ruta ariba menciona, cu esnan cu
kier pone un borchi banda di caminda mester cana e procedura legal. Ta simplemente haci un
peticion na DIP y pagando un suma chikito y e borchi por wordo poni. Cu e situacion awor,
poniendo e borchi sin permiso a sali e comerciante mas caro, mirando e boet cu a wordo impone
y awor mester pidi e permiso toch.