Page 45 - KPA_

Dos auto a cera chofer hulandes tres homber a baha maltrat’e y hort’e.

Publication: Tuesday, 5 May 2015. Categoria: Policial

ORANJESTAD,(AAN); Tabata diadomingo marduga pa alrededor di 5 or y 20 central di polis a
wordo poni na altura di un atraco cu a tuma lugar durante oranan di marduga. Patruya di
Oranjestad a wordo dirigi mesora direccion di Luxemburgstraat pa atende e caso.

Na e cas nan a papia cu e homber Mickel Kors naci na Hulanda, di 27 aña di edad cu a declara cu
den marduga den careda di 20 pa 5 e tabata core den su auto riba L.G. smith Boulevard.

Entre Divi Phoenix y Amsterdam Manor el a wordo blokia pa dos auto.

Uno a blokia su auto patras y e otro vehiculo a blokia su auto dilanti y el a keda den estilo
“Sandwich”. A baha tres homber bruin cla for di un di e autonan y nan a cuminsa pa maltrat’e y
durante luchamento e atracadornan a logra bay cu su I-phone -5., yabi di cas y di auto, ademas
150 dollar, tambe cu su holoshi y su rijbewijs. Segun e denunciante un di e autonan tabata color
scur marca Hyundai Sonata. Mas detaye e no por a wak y su denuncia a wordo tuma, e caso ta
bao investigacion.

http://www.diario.aw/2015/05/dos-auto-a-cera-chofer-hulandes-tres-homber-a-baha-maltrate-y-
horte/