Page 46 - KPA_

Homber mal bati a declara cu tres pa cuater amigo a maltrate.

Publication: Tuesday, 5 May 2015. Categoria: Policial

ORANJESTAD.(AAN); Mainta trempan pa 20 pa 7 diadomingo, a presenta na warda di polis na
Shaba, e homber di inicial C. cu a mustra di a pasa mal rato. E homber tabata bisti cu polo shirt
color blauw cu carson preto largo, zapato preto y tur cos tabata sushi. Tambe polis a constata cu
e polo shirt tabatin algun mancha di sanger riba dje.

C. tabatin tambe corta na frente y cu hopi esfuerzo e por a splica su situacion.

Loke a saca afor di su declaracion ta cu den marduga diadomingo alrededor di 4 or di madruga el
a wordo maltrata pa tres of cuater amigo na un sitio den Calabas, nan unda nan tabata wak pelea
riba flat screen.

E homber no por a menciona nomber y el a declara di a bebe 6 boter di cervez marca Balashi
Chill y un biter Tequila. Debi cu C tabata keha di dolor durante cu e tabata cabez abao y tabata
scupi sanger, polis a avisa C. pa sinta.

Via central di polis a solicita presencia di ambulans y na mesun momento fiscal auxiliar a wordo
poni na altura . E ultimo a duna orden pa recherche wordo notifica despues di trato medico pa
tuma e denuncia y haci mas investigacion relaciona cu e caso.

Ambulance a presenta na warda y e homber C. di 25 aña di edad a wordo transporta pa dr.
Horacio Oduber Hospital pa examinacion medico y tratamento.

http://www.diario.aw/2015/05/homber-mal-bati-a-declara-cu-tres-pa-cuater-amigo-a-maltrate/