Page 47 - KPA_
P. 47
Polis a gara 3 hoben cu kier a horta den un cas di un ciudadano
Publication: Tuesday, 5 May 2015. Categoria: Policial
ORANJESTAD (AAN): Mas y mas nos tin cu presencia e rumbo cu nos hobennan ta scoge pa
hiba den bida. Envez di bay school, nos hobennan ta scoge pa keda cas y haci maldad.
Dialuna mainta na un cas situa den Sabana Basora, un habitante a bin topa cu 3 hoben desconoci
den su cas. Prome cu el a haya chens pa gara nan, tur 3 a baha na awa. Inmediatamente a opta pa
yama Polis, mientras cu e tabata persigui e hobennan.
Durante un accion hopi rapido, Polis a logra pa detene tur 3 hoben y a transporta nan pa Warda
di Polis pa nan duna cuenta na Recherche na momento cu nan a wordo interoga pa intruso den
propiedad di hende.
E ta un caso cu ta duel sigur, na momento cu bo tuma nota e edad di e hobennan cu a wordo gara.
Hobennan cu mester ta na school. E pregunta magico semper lo keda. “Mayor bo sa unda bo yiu
ta ora cu bo no tey?”
http://www.diario.aw/2015/05/polis-a-gara-3-hoben-cu-kier-a-horta-den-un-cas-di-un-ciudadano/
