Page 48 - KPA_

Chauffeur a perde control cu auto y kibra esaki contra un palo di luz

 May 5th, 2015
 Policial, splash

Riba caminda di Turibana altura di Jr Auto Center diamars marduga dama chauffeur di un kia
sportage a perde control pa un of otro motibo y bay kibra e auto riba un palo di luz. Polis a acudi
na e sitio pero no topa cu e auto na prome instante. Despues di rato e chauffeur a acudi na e sitio
bek y polis a constata cu e auto ta completamente kibra parti patras pero ningun persona herida.
E palo di luz tambe a haya daño di cual a notifica Elmar. Segun e dama chauffeur, biniendo di
zuid un auto a dal su tras cu a pone perde control y dal riba e palo di luz, pero e auto mes a
bandona e sitio. E dama den e sportage mes a bay for di e sitio lagando e auto atras ya cu e tabata
cu su yiu di 3 aña y a core hibe cas.