Page 9 - HOH

Dialuna, 26 Mei 2025 AWEMainta
Ora Ganashi Ta Reemplasa Proposito
E caida di balornan spiritual
NOS ta biba den un mundo unda exito hopi biaha ta wordo midi
den placa, no den caracter. Unda balor di bo mes ta mara na bo
balor neto, y proposito ta wordo cada biaha mas reemplasa pa
ganashi. Den medio di e careda aki pa ganashi economico, algo
mas keto pero mucho mas vital ta wordo perdi: balornan spiri-
tual.
Spiritualidad—sea basa den religion, filosofia, of reflexion
personal—antes a guia individuonan pa biba cu compasion,
humildad, y un sentido di conexion. E tabata recorda hende cu
bida no tabata solamente tocante loke bo a adkiri, sino con bo a
trata otro hende y ki herencia bo a laga atras. Awe, e balornan
ey ta parce di wordo ofendi pa un presion incesante pa logro
personal, visibilidad, y acumulacion financiero.
E Amplificacion di e Dilema den Cultura Moderno
Esaki no ta un dilema nobo, pero cultura moderno ta amplific’e.
Plataformanan di media social ta recompensa vanidad y exhibi-
cion material. Miyonario ta wordo idolatra, y marketing hopi
biaha ta cambia e marca di spiritualidad mes como un producto—
retiro, kit di cristal, curso di estilo di bida “high-vibe”—kitando
su profundidad na fabor di estetica y ganashi.
SPIRITUAL 11
Institucionnan religioso tampoco no ta imuun. Den algun circulo,
e liña entre liderazgo spiritual y empresa comercial a bira vago.
Edificionan di iglesia luhoso, pastornan cu ta actua como celeb-
ridad, y e “evangelio di prosperidad” tur ta refleha un cambio
creciente: Fe uza como un vehiculo pa rikesa en bes di sabiduria.
Aunke no tin nada inherentemente malo pa tin placa, e peligro
ta sinta den loke ta pasa ora exito material ta bira e meta final, y
crecemento spiritual ta bira secundario—of irrelevante.
E Costo di e Cambio Aki: Mas Ansiedad y Soledad
E caida aki den enfoke spiritual ta afecta mas cu djis sistemnan di
creencia individual. E ta rediseña sociedadnan. Ora ganashi ta rey,
empatia hopi biaha ta wordo poni un banda. Comunidad ta bira
transaccional. Decisionnan ta wordo haci basa riba retorno finan-
ciero, no responsabilidad moral. Daño ambiental, explotacion di
trahadonan, y desigualdad creciente ta sintomanan di un sistema
di balor cu ta aprecia expansion economico riba fundeshi etico.
Kico ta e costo di e cambio aki? Un aumento den ansiedad,
soledad, y insatisfaccion existencial. A pesar di biba den e era
mas materialmente comodo den historia, hopi hende ta sinti nan
mes desconecta y spiritualmente bashi. Esey no ta un coinci-
dencia. Nos a yena nos casnan cu gadgets, pero a
limpia nos bida interior di nificacion.
Redefiniendo Loke Ta Importa
Cambia e tendencia aki no ta tocante rechasa
placa—e ta tocante redefini kico ta importante. E
ta cuminsa cu haci preguntanan mas dificil: Nos ta
persigui rikesa of plenitud? Nos ta construi bida, of
djis marca? Nos ta trata hende como ser humano
of como hermentnan pa status? Spiritualidad
berdadero, den cualkier forma cu e tuma, ta ofrece
un antidoto. E ta recorda nos cu cumplimento no ta
bin di tin mas, sino di ta mas: mas presente, mas
amabel, mas honesto. E ta desafia nos pa biba cu
integridad, hasta ora e ta incomodo. Y kisas mas
importante, e ta siña cu e rikesanan mas grandi di
bida no ta wordo haya den un cuenta di banco, sino
den momentonan di conexion, crecemento, y paz. Si
nos por cuminsa re-centralisa e balornan aki—na
cas, den liderazgo, den cultura—anto kisas ganashi
y proposito no mester ta opuesto. Pero te e ora ey,
mas nos ta adora placa, mas nos ta risca di lubida
loke di berdad ta haci bida bale la pena pa biba.