Page 10 - ATA - AUG 14

AWEMainta Diahuebs, 13 Augustus 2015 15

Accion
0-Tolerancia
sigur tabata
un exito te
awor

SIN duda e accion di 0-Tolerancia, a duna su

frutonan te cu awor e pasaheronan cu kier drenta
Aruba, sin tin suficiente placa of lugar fiho pa
keda a mengua considerablemente. Asina Hefe
di Imigracion Gerald Vingal a duna di conoce.
E mensahe aki a yega Venezuela, cu Aruba tin
mihor control y no ta tolerante. Por nota cu tin
hopi persona Venezolano ta trata di drenta cu
dolar falso.
Y e control lo sigui. Tabatin un reunion
di un evaluacion, unda Imigracion y otro
stakeholdernan a reuni cu tur e companianan di
aviacion cu ta bula pa y Venezuela, unda a yega
na un par di acuerdo. A yega na acuerdo con e
companianan lo intensifica nan control pa evita
di trece hende, cu despues nan mester hiba nan
bek.
Ultimo dianan a constata pa haya credit card falso,
dolar falso y varios caminda autoridad mester a
actua. Gerald Vingal, Hefe na Imigracion durante
entrevista a splica cu di mes tur hende cu ser gara
cu dolar falso ta bisa mesora storianan cu no ta
intencionalmente nan tin e placa falso cu nan.
Ta keda na autoridadnan pa huzga si lo permiti
dicho persona drenta of a manda nan bek, seugn
Gerald Vingal, kende a gradici tur cu a traha duro
pa e accion aki ta un exito…