Page 7 - bon-dia-aruba-20201224

a7
local Diahuebs 24 December 2020

Con comunidad Filipino ta prepara pa Pasco

Manera nos sa, temporada di Pasco ta yegando y co-
munidad ta prepara. Pero sin lubida cu nos isla ta
multi-cultural y nos kier mustra bo e diferencianan y
similaridad di con Filipino ta prepara pa Pasco.

Filipinonan no ta keda afo ora ta papia di cuminda. Nan ta
mas conoci door di nan amabilidad y nan amor pa cum-
inda. Mescos den e tradicion Latino, nan ta celebra Noche
Buena, pero nan dia di celebra ta dia 25.

No tin hopi di conta ora ta trata di tradicion of religion,
claro cu nan ta mas relaciona cu religion catolico, pero nan
specialidad ta den cushina. Aruba y Filipinas tin nan cos-
nan similar na otro pero tambe igual cu su diferencianan.
Mescos Aruba ta gusta ham di Pasco, nan tambe tine, sino
cu nan tin e ham di Pasco y e gran lechon, cual ta un plato
hopi famoso na Filipinas, despues di esun cu mas tanto nos
ta mas familiarisa cune cual ta Pancit. Lechon ta wordo
pidi mas tanto den ocasionnan special manera un boda of
celebracion di un logro den e famia. Pancit ta consisti di
rice noodles y bo por pone bo variedadnan na gusto, sea ta
galiña of porco y bo tipo di berduranan na gusto.

Dia 25 Filipinonan ta core “Caroling.” Caroling ta manera
un dande di Aruba, pero nan ta solamente hacie den dia di
Pasco y manera un custumber y gradicimento, semper ta
warda nan cu un regalo. Caroling ta wordo canta na Taga-
log, cual ta e nomber di e idioma cu nan ta papia.

Un di e diferencianan cu den famianan ta haci, cu despues
di e cena, cada miembro di famia mester bin cu un fruta
rondo pa pone riba mesa y cada un mester cera 12 fruta,
señalando e 12 luna di e prospero aña. Asina ta nan manera
di pidi pa abundancia y un prospero aña nobo.

Filipino tambe ta hendenan cu ta encanta cu cosnan sucu
y ora mi bisa bo cu di tur cos nan por hacie un cos dushi.
Manera ijscream di maishi y keshi, tambe nan ta vari’e cu
ijscream di awacati. Un di e cosnan dushi cu Filipino ta
trece den oranan di fiesta ta e bolo di yuca (casava) y que-
sillo. Buko pandan, ta manera un bolo di glas pa nos, pero
pa nan ta mas manera un salada di fruta cu jello y lechi di
coco. Esaki tambe ta un di e cosnan dushi cu mas Filipino
ta trece na mesa.
Si bo persona ta desea di pasa un Pasco feliz cu ambiente y
bariga yen, na cas di un Filipino mi ta garantisa, bo lo hay’e.