Page 15 - MIN JUS

Fiscal ta haya cu tin tur indicacion cu E.H. ta culpable. Tin un cantidad di tap cu ta
mustra cu e tabata usa e cellular di su ruman homber N.H. cu a tira riba hende na
October 2014. Tambe cu e sospechoso E.H. tabatin combersacionnan cu Baba Ras cu a
keda condena na 18 aña di prison pa mata Brete. Tabatin combersacion tambe entre
E.H. y su ruman N.H. riba bendemento di e cadena den exterior y cu e placa lo mester
wordo parti den tres. Fiscal a bisa cu a scucha nan ta papia di prijs entre 5 y 6 mil
florin. Tambe tin diferente combersacion entre Baba Ras y E.H. cu tin un otro trabou
mas pa haci. E ora E.H. a bisa cu e lo ta pa e mesun prijs 5. Probablemente 5 mil florin
of 5 mil dollar.

Fiscal a bisa cu Baba Ras y Lalo Webb tabatin problema cu otro y nan tabata tira riba
otro. Tabatin diferente caso cu por confirma esaki. For di e caso aki, E.H. riba orden di
Baba Ras sera den KIA, a tira mata Lalo.

Fiscal ta kere cu den e caso aki, tabatin planeamento pa basta tempo pa mata Lalo. Pa
cu e castigo el a mustra cu na 2011, E.H. a wordo condena pa atraco. Na 2014, E.H. a
wordo condena pa arma di candela. Fiscal a exigi 22 aña di prison.

Algun siman pasa tratamento di e caso a sigui y Fiscal a presenta procesverbaal
caminda a interoga Baba Ras na Hulanda como sospechoso den e asesinato Lalo Webb.
Tin sospecho cu E.H. a mata Lalo Webb riba orden di Baba Ras. Fiscal a keda mantene
su exigencia di 22 aña di prison.

Fiscal a splica cu Polis a bay Hulanda pa interoga Baba Ras. A purba hunto cu
agentenan di Hulanda pa interoga. Baba Ras no kier a papia. A bis’e pakico kier a
interog’e. Door cu e no tabata kier, no a confront’e cu e contenido di e caso.

SENTENCIA

Ayera mainta famianan di e victima tabata presente sinta abou den sala di Corte,
mientras cu ariba e famianan y amistadnan di e sospechoso tabata sinta. Hues a bisa
cu e acusacion ta cu dia 19 Maart 2015 lo a tira mata Webb den cabez. E.H. ta
desmenti y abogado ta haya cu mester declar’e liber pasobra ta duda den pruebanan.