Page 17 - MIN JUS

cu e tabatin contact. Tambe tin combersacion entre E.H. y Baba Ras caminda E.H. ta
bisa Baba Ras cu e ta cla. E.H. lo a usa e cellular di P. Despues atrobe E.H.a yama Baba
Ras y a bisa cu tur cos a keda cla.

Na opinion di Hues, e yamadanan ta mustra cu e sospechoso a bisa Baba Ras cu el a
cumpli cu e orden di mata. Tambe cu Baba Ras a bisa cu e lo tin e placa cla. Tambe tin
what’s app entre Baba Ras y E.H. dia 21 Maart 2015 caminda Baba a bisa E.H. cu e tin
un otro trabou mas y cu E.H. a bisa pa e mesun cos 5. Esey ta mustra cu lo tabatin un
otro persona mas pa mata.

Hues a remarca cu E.H. ta bisa cu e no conoce Baba Ras pero tin combersacion entre
nan y tambe E.H. tabata cera den KIA cu Baba Ras.

Tur esaki ta pone Hues conclui cu Baba Ras a ordena pa mata Webb y E.H. a haci esaki.
A traha un deal pa bende arma y a tira mata, Webb.

Asesino sanger frieu: Pa cu e castigo, Hues a bisa cu e ta tene cuenta cu asesinato ta e
delito mas hororoso cu tin. Castigo pa asesinato ta 30 aña di prison esta bida largo.
Hues ta haya cu no por otro cu mester condena E.H. na castigo largo.

Hues a bisa cu e ta tene cuenta cu sanger frieu, E.H. a asesina e victima. A traha deal
cu e victima y tir’e mata pa e placa. Tambe cu e tabata dispuesto pa bolbe mata un
otro pa placa. Hues a bisa cu e forma brutal cu a asesina Webb, a causa hopi
inseguridad den comunidad.

20 AÑA DI PRISON

Castigo: Hues a bisa cu e ta condena E.H. na 20 aña di prison. Tambe cu E.H. mester
paga e famia 12 mil florin como daño y si e no paga e lo mester bay 95 dia di prison. E
condena di Hues ta menos di loke Fiscal a exigi. Por a mira cu e famianan di e victima
tabata wowo yen di awa den sala di Corte. E.H. no tabata contento cu e sentencia y a
bisa su abogado pa apela.