Page 19 - MIN JUS

editor 6 MINS
POST VIEWS: 37
POSTED ON MAY 11, 2017, 2:04 AM

ORANJESTAD,Aruba

Tur hende tin derecho riba libertad y siguridad personal. Ningun hende su libertad por wordo kita, si
no ta segun reglanan cu mester keda stipula pa medio of segun ordenansa nacional den caso di:

1. Detencion legitimo despues di sentencia di un hues competente pa tal caso;
2. Aresto of detencion legitimo pa motibo di nenga di sigui un ordo duna pa hues di acuerdo cu

un regla legal of pa por asegura e cumplimento di un obligacion prescribi expresivamente den
un areglo legal;
3. Aresto of detencion legitimo pa por wordo hiba dilanti di e instancia hudicial competente, ora
tin motibonan di sospechoso rasonabel cu e (sospechoso) a comete un echo castigabel of si
tin motibonan rasonabel pa sopone cu ta necesario pa strob’e comete un echo, hui despues di
a comete un echo,pone e investigacion penal na peliger;
4. Detencion legitimo di un menor cu e finalidad di interveni den su educacion of den caso di su
detencion legitimo pa por hibe dilanti e autoridad competente;
5. Detencion legitimo di personanan cu por plama un malesa contagioso cu malesa
mental,adicto of droga;
6. Detencion legitimo di personanan cu e finalidad pa stroba nan drenta e pais na un manera
ilegal of si contra nan tin un procedura pendiente di expulsion of extradicion;

Derecho durante aresto:

Tur hende cu wordo aresta of wordo deteni conforme paragraf Ic),mester wordo hiba inmediatamente
dilanti un hues of dilanti un otro autoridad cu pa medio di un ordenansa nacional a wordo declara
competente pa eherce poder hudicial y e tin e derecho pa wordo huzga den un termino rasonabel of
pa wordo poni den libertad pendiente e proseso.

Derecho durante privacion di libertad: Tur hende cu nan libertad a wordo kita tin derecho:

1. Pa pidi hues un medida, p’e por huzga den un termino corto riba e legalidad di e kitamento di
su libertad y pa ordena su libertad,si kitamento di e libertad ta ilegitimo.