Page 16 - MIN JUS

Hues a bisa cu dia 20 Maart 2015, Polis a haya na Hooiberg e curpa sin bida di Webb. A
constata morto door di tiro den cabez. Ademas den saco e victima su saca di carson
robez tabatin 5 mil florin.

Declaracion di testigo: Hues a mustra cu for di e testigo T., e amiga di difunto Webb,
por a compronde cu Webb tabatin un cadena di oro y cellular. No a haya esakinan. El a
bisa cu Webb tabatin contacto cu N., cu ta ruman di e sospechoso E.H., dos dia caba
promer pa cumpra un arma pa 5 mil florin.

Segun e testigo, Webb a bay for di cas 2.30 merdia pa topa cu N. y no a mir’e mas. E
amiga T. a bisa Recherche cu Webb a laga sa cu hendenan kier mat’e entre otro Baba
Ras. Segun e testigo den pasado a tira riba Webb.

Hues a mustra cu tin sospecho cu N.H. ta fugitivo den exterior. Tur esaki mustra cu sea
N. of su ruman E.H. riba 19 Maart 2015 via whatsapp tabatin contacto cu Webb pa
cumpra un arma. E hecho cu despues di 2.30 di merdia no tabatin contacto mas, ta
mustra cu Webb lo a wordo mata.

Patalogo mes a mustra cu e victima tabatin mas o menos 24 ora morto. E hecho cu
patologo ta bisa cu e victima lo a muri 1 or marduga, ta mas bien un bruhamento.

DNA di sospechoso riba Webb: Hues a mustra cu NFI a haya DNA di sospechoso E.H.
riba Webb. Na opinion di Hues, contrario na abogado, Hues no tin duda den raport di
NFI. Hues ta confia den e raport. Hues no ta kere declaracion di E.H. ni di abogado cu e
DNA lo por ta di e e ruman N.H.

Sospechoso ta gaña: Hues a bisa cu E.H. a bisa cu dia 19 Maart 2015 su ruman tabata
na cas pero no tin ningun otro testigo ta bisa esey. Tur cos ta mustra cu E.H. ta gaña y
tabata den contacto cu e victima. Tin whatsapp ta mustra cu e sospechoso tabata
envolvi den bendemento di e cadena.

Asesina riba orden di Baba: Hues ta di opinion cu tur cos ta mustra manera Fiscal ta
bisa cu riba orden di Baba Ras, E.H. a tira mata Webb.

Tin yamadanan scucha: Dia 19 Maart 2015 tabatin combersacion di E.H. cu un tal P.
kende el a bisa pa bay na e lugar di biaha pa busca algo. Aunke E.H ta nenga, P. ta bisa