Page 13 - soc jan 19,2016

Ningun solucion ainda pa clientenan di DAS pa staciona
auto sin nodi paga parkeer meter

Publication: Tuesday, 19 January 2016. Categoria: General

ORANJESTAD (AAN) – E solucion pa a asunto di stacionamento pa clientenan di
Departamento di Asunto Social, no a yega te ainda.
Ayera atardi, DIARIO mes por a mira con autoridad tabata takel un auto para riba e tereno unda
no tin parkeer meter.
Tin indicacion cu esey ta sosode tur dia di Dios, cu clientenan di e departamento cu ta bin busca
ayudo riba diferente aspecto incluyendo esun financiero, pero ta bisto cu nan no tin derecho di
bin cu nan auto bieu pare unda nan no tin cu paga pasobra nan ta takel esaki.
Na unda e aspecto humano di gobierno ta keda? Tanto cu nan ta blaf cu esnan menos afortuna di
nos comunidad ta central den maneho di gobierno, pero ta tur contrario precisamente e “grupo
meta” aki ta experiencia.
E mesun trahadornan di Departamento di Asunto Social ta haya duele di nan clientenan, pero no
ta den nan man pa yuda den e situacion aki. Hopi tristo mes!
http://www.diario.aw/2016/01/ningun-solucion-ainda-pa-clientenan-di-das-pa-staciona-auto-sin-nodi-
paga-parkeer-meter/