Page 41 - Min Paul Croes AUG 20th,2015

DIAHUEBS 20 AUGUSTUS 2015 DIARIO
Mucha ayera, y awe e temornan cu nos lo
mester por tin pa futuro
Sinta den auto mi a mira e muchanan ta bay scol dialuna. Hopi
di nan pa prome biaha, y otronan a bay Eerste Klas, “scol di
berdad’. Por fin !
A pasa den mi memoria, kico lo ta pa bay scol atrobe. Tur hende
por ta pensa riba esaki un dia of otro. Kizas!
Por ta na momento cu bo ta para dilanti spiel y ripara cu bo cabey
a bira shinishi of cu bo ta falta cabey. Por ta cu bo ta pensa riba unda bo por huur un di nan pa saca potret of video pa bo.
esaki, pasando den auto na caminda pa trabao y ta mira un
grupo di 3 of 4 mucha ta papia como si fuera ta microfon nan tin
den boca contando un of otro anecdota.
Kizas e pensamento ta dal bo ora bo mira un di e peliculanan di
mal famia den cual un mayor ta cambia di curpa cu un mucha. E
cos aki a pasa den tanto pelicula cu mi ta sigur cu tin un pelicula Si bo ta un muher cu piscina den cura, mihor ainda pa nan.
nobo cu e topico aki den produccion. Probablemente cu vam-
pironan.
Awor cu mi a cuminza skirbi tocante esaki, e pensamento di
draai e holoshi bek ta fresco den mi mente. Mi a mira discusion
tocante esaki riba internet tambe y a keda asombra cu tin asina
tanto hende cu no kier pasa bek den nan periodo di mucha.
Con lo ta pa feita 20,30,40 aña of mas di bo edad? Si mi
mira television mi ta mira tanto producto anti biramento bieu,
dietanan contra biramento bieu, remedinan, vitaminanan, crem-
anan y hasta liquido cu nan por inyecta den bo venanan pa evita
biramento bieu.
Mi a usa e expresion “biramento bieu” pasobra esey ta e ex-
presion cu mi no ta usa. Esun di mi ta “cu mi ta un veterano
den bida” of manera un persona a bisami awe mainta na un
reunion, “mi ta un clasico!”.
Nos obsesion di keda hoben ta wordo demostra cu cirugia cos-
metico y ora mi mira cierto artista cu ta parce 50 aña, siendo cu
e ta 75.
Mi ta corda con como mucha con mi tabata odia momento di
pela. Mi tabata encanta cu mi cabey largo indian cu tabata baha
te na mi schouder. Tempo di 25 pa 35 mi tabata tin e na vlecht
y tin ora como ponytail riba lomba. Ta despues el a cuminza
bira cortico y mas cortico keto bay, pero te awe de vez en cuando
mi ta lagu’e crece pa lok’e ta.
Mi ta corda con bon mucha of mala mucha mi tabata pero cu mi
a primi boton di fast-forward pa mi sinti mi mes adulto, esta
18 y mas aña di edad. Pero e machine di edad no a para eynan
pasobra e boton di “stop” no a funciona. Como hoben mi a sinti
dolor di perde den deporte of wordo rechaza pa un galeins pa-
sobra mi no ta su tipo. Berdad ta tambe cu e tempo ey mi tabata
masha timido, yen di miedo pa puntra un mucha muher pa sali.
Ta hopi corahe mi a mustra pa por a yega asina leu di habri mi
boca.
Mi tabata preocupa como teenager cu mi popularidad cerca mu-
cha muhernan, of menos popular. Mi a trata di mustra di ta ma-
dura pero berdad ta cu mi no tabata sa con pa haci esey.
E tempo ey nos mester a siña nos mes kico ta control di impul-
so y maneho di emocion intenso. Awendia bo ta tira bista riba
YouTube y bo ta mira un persona di mi edad coriendo bicicleta
riba dak di un cas y ta wordo filma, pa tur hende mira. E video no
ta mustra con e ta den hospital despues.
Mi ta kere cu mi lo keda unda mi ta actualmente den bida. Ora cu
mi kier recaptura mi infancia y hubentud, mi lo djis encurasha tur
mucha mas tanto posibel y spera lo mihor pa nan hasta si nan
ta biba cu nan cellular ta manda texto of nan ta dirigi un “drone”
pa bay spiona kico ta pasando den Valero.
Pakico menciona “drone”? Pasobra unda cu bo bira awendia
bo ta mira storianan di machinenan cu ta kita trabao cu hende
regular tabata tin. Den fabricanan , brazanan grandi di robot ta
traha schouder cu schouder cu obreronan di berdad.
Nos ta ripara cu pronto entrega ta wordo haci aki tambe pa ro-
PAGINA 21
botnan y esnan cu ta bula tambe. Nos ta mira autonan cu ta
staciona nan mes y otronan cu ta maneha nan mes, sin hende
den dje. E machinenan ta na caminda y si bo tin trabao, nan ta
bin pa kita bo trabao tambe.
E obsesion mas grandi actualmente ta naturalmente “drones”.
Awendia ta varios “drone” tin na Aruba. Tin hasta compania
Ni den cura di cas lo bo no tin libertadnan mas pasobra pronto lo
bo no sa cu tin un drone sacando video of potret di bo den cura.
Na Merca mes algun siman pasa un “drone” a baha den cura
di Cas Blanco. Ami no ta preocupa cu un “drone” lo spionami
un dia pa gobierno. Gobierno awendia casi no por haci loke e
mester haci, corda bira profesional den tecnologia pa haci cos-
nan cu bo no kier pa gobierno haci.
Mi unico preocupacion ta e machinenan aki, ora nan daña y bin
abao net riba bo. No hari.. Tin un caso na Aruba unda e doño
mes a perde su “drone” for di bista.
Dronenan ta esencialmente helicopternan chikito, no ta importa
su tamaño, y nan tin propellernan skerpi. Ta djis un eror bo tin cu
haci y e ta cla pa corta bo cabez afo.
Mi lo no kier un auto tampoco cu lo por dicidi riba su mes cu
nos ta cla pa dal den algo y pone “brake” funciona di golpi. Mi
ta confia mi propio wowonan y mas cu e computer cu lo ta na e
dashboard.
Mi a mira mi wacharaca ta bisami caba cu mi tin cu pone mas
aire den mi tirenan mientras pa 3 luna largo e luz di “check
engine” ta cendi sin algo a pasa e motor (te ainda!) y sin cu sa
pakico.
Mi lo rabia sigur si mi pasa door di windshield di mi wacha-
raca pasobra mi auto a kiboca, keriendo cu ta un muskita tin riba
e bentana su sensor, lugar ta resulta di ta un burico cu a cruza
caya.
Nan ta test autonan sin chauffeur rond mundo pa mas lihe po-
sibel pone nan riba caya. Ironicamente, si nan logra, e cos cu
probablemente mi auto lo box cune lo ta un auto sin chauffeur.
E unico cos pio cu un auto cu por para di su mes, ta un auto cu
por bay unda cu e kier. E diferencia grandi cu nos por haya e
tempo ey ta cu tin un diferencia grandi entre California AUA y
California USA. Ami sa esey pero mi no ta sigur cu mi auto lo sa
esey den futuro.
Machinenan ta tur caminda. Ora bo ta den un avion, e piloto
casi sigur ta den cockpit ta corta su huñanan di pia na lugar di
berdaderamente bula e avion. E computer ta haci su trabao na
e momento ey. Esey ta mientras e computer no haya un fayo tec-
nico. No ta sigur cu bo ta haya tempo pa saca cellular manda un
mensahe, of saca pen pa skirbi un mensahe riba papel di seca
man, prome cu bo logra hinca cabez mey mey di bo rudianan.
Mi no tin problema usando tecnologia pa haci cos cu ningun
hende ta preocupa cune, manera skirbi e columna aki riba un
computer. Pero ora ta conta, y cu tin bida na liña, mi lo prefera di
depende riba hende di cuero cu sanger, na lugar di machine
di silicon y metal.
Mi a cuminza preocupa caba cu un dia lo mi ta den cas ta wak
television trankil y cu un “drone” cu ta funcionando malo lo
drenta y dal mi den frente, of cu un auto sin chauffeur lo drenta
mi sala y pegami contra muraya manera un debchi.
Despues bin hayami den un ambulance cu un robot como chauf-
feur pa hibami cu urgencia pa sala di operacion na hospital, unda
un docter mecanico lo asumi cu mi ta un robot y asumi cu mi djis
ta experienciando un mal funcionamento y cu mi lo trata di saca
su plug prome cu e saca esun di mi.
Juby Naar