Page 12 - bon-dia-aruba-20200910

a12 riba caya
Diahuebs 10 september 2020

Tiramento na Sero Patrishi

Den oranan di anochi habitantenan di Sero Patrishi a raporta
polis di un pelea andando cu arma di candela y tabata scucha
tiro di disparo. Ora polis a presenta, un di e sospechosonan a
bandona e sitio y a bay direccion noord segun e habitantenan.
Durante e control a bin haya sanger tanto paden como pafo
di e auto, e persona herida ta trata di un hende homber. Polis
a atende cun’e di biaha y durante control a bin haya tambe
cu basta droga den e auto. A tuma e homber detene pa sos-
pechoso di droga y tiramento. Ambulance a presenta na e sitio
pa controla e victima.

DTP ta stop taxi pirata Dama ta causa problema dilanti

cas di ex pareha

Den area di Washington, habitante a reporta polis tocante un persona cu ta
haciendo desordo indesea pafo di su cas y cu kier drenta paden. Bisiñanan
tambe a scucha e gritamento pafo di e cas y a mobilisa patruyanan policial.
Unidad motorisa tambe a presenta na e sitio y ta topa cu un dama y homber.
E ta trata di e mama a presenta na cas di e tata di su yiunan tocante placa di
alimentacion. E dama a informa polis cu e la bay fundacion sostene mi y ora
e homber a mira e ta canando su caminda e tambe a dicidi di haci mescos.
Segun e homber e ta cumpli cu e placa y a paga e dama un parti y awo e falta
e otro parti. Segun e dama tambe ta parce cu e homber ainda ta busca pa tin
algo cun’e y ta informa cu a bay recherche pa full e asunto. Polis a interme-
dia y e homber a entrega e otro parti di e placa na e mama y a bandona e sitio.

Taxinan pirata ta algo birando basta activo den e ultimo dia nan aki. Polis
di trafico huntu cu DPT ta topa cu un otro taxi pirata durante servicio riba
diarason mainta den areanan di playa. Polis a nota e auto ta buska algun
personas, a sigi e chaffeur immediatamente y a logra pare dilanti la linda.
Mesora a para e chaffeur y tuma dato. No tabata tin nada den auto pero e
auto a wordo tuma den beslag. A hiba e vehiculo te ora fiscal duna decicion
di kico tey pasa ya cu esaki no ta prome biaha cu ta stop e chaffuer aki.