Page 35 - EXTRA

Djabièrnè 19 Yanüari 2018 37
“Si bosnan sigui molestiá kaya kos lo pasa bosnan”
Hòmber akusá di a menasá polis

kondená na 6 luna di prizòn
WILLEMSTAD.- Korte
di promé instansia a trata
un kaso ku a hala hopi
atenshon.
Ta trata di e kaso
kaminda e hòmber Richello
Clemencia (29) ta keda
akusá di a menasá polisnan
i tambe a stroba e agentenan
di hasi nan trabou.
Pa ku esaki Clemencia no
a presentá pa responsabilisá
su mes.
Segun prosèsverbal di
polis, dia 5 di ougùstùs aña
pasa dos agente alrededor
di 00.25’or na altura di
e krusada Rooseveltweg/
Micaweg, a duna shofùr di
un outo òrdu pa para.
E shofùr no a duna oido
na e òrdu di polis i a sigui
kore ku velosidat haltu.
Mesora e agentenan a
start ku un persiguishon
tras di e outo i logra par’é
den kaya Amatista.
Polis a detené e shofùr
ku a resultá di ta Clemencia,
pa no a sigui òrdu polisial.
E okupante ku tabata
den e outo, a logra kore bai
i durante di su huida el a lòs
tiru den laira i sigui kore.
Segun e prosèsverbal
mas aleu, Clemencia a
menasá e agentenan dor
di bisa nan pa nan kòrda
den ki bario nan ta i ku kos
lo pasa nan si nan sigui
molestiá den kaya.
Tambe Clemencia lo a
bisa ku nan a kima nan outo
un biaha kaba i ku nan lo
basha nan ku bala.
Segun e prosèsverbal
mas aleu, Clemencia a
puntra nan kiko nan ta hasi
ei banda i ku nan sa unda
kas di kada unu ta keda.
E akusado a sigui
menasá e agentenan, ku
nan ta den kaya di Army i
ku nan tin kos mas grandi
ku e arma chikí ku nan ta
kana kuné.
Segun e prosèsverbal,
Clemencia lo a duna e
grupo di hendenan ei banda
instrukshon pa bin riba e
polisnan.
Despues di e menasanan
polisnan a bai den área di
Kura Piedra kaminda nan a
haña un arsenal di arma.
A sospechá e akusado di
sa mas di esaki, pero no por
a proba ku ta bèrdat.
Mester a laga e akusado
den libertat, pendiente pa su
kaso keda tratá.
Fiskal Koert a haña
e akusashon probá ku
Clemencia a stroba polisnan
di hasi nan trabou i tambe a
aviso@extra.cw Sigui lesa pagina 42