Page 39 - EXTRA
P. 39
Djabièrnè 19 Yanüari 2018 41
Kòrsou i St. Maarten a sera 2017
ku reserva rèkòrt di 2.383 miar
WILLEMSTAD.- Nos
reserva di divisa a yega su
nivel di mas haltu na fin dje
aña ku a pasa. Por sierto,
ta e nivel di mas haltu ku
e ta yega despues di hopi
tempu. Luna di desèmber
2017 a sera na 2.383 miar,
aunke den e promé dos
simannan di yanüari por a
nota un bahada. Pero esei
lo tin di aber ku gastunan
ku komunidat ta hasi
relashoná ku fiestanan di
Pasku i Aña Nobo.
Banko Sentral den su
análisis ta duna e sifranan
di reserva dje último sinku
añanan, i aki por konstatá
un rèkòrt. Aña 2013 a sera
na 1.451 miar; aña 2014
na 1.970 miar; aña 2015
na 2.090 miar; aña 2016
na 2.151 miar i aña 2017
na 2.380 miar. E promé
siman di yanüari 2018 a
sera na 2.360 miar i e di
dos siman a baha na 2.343
miar.
Lok e tambe ta
importante pa bisa ta ku
a base di e nivelnan di
reserva aki nos kantidat
di luna di importashon ta
keda stabil tambe di entre
4 pa 5 luna.
T’asina ku nos reserva
di divisa a fluktua hopi e
aña aki. Echo ta si ku e
reserva di divisa a keda
n’e nivel di riba 2 miar.
Reserva di divisa di pais
ta fluktua un tiki, pero tòg
ta kedando haltu si mester
kompará sifranan for di
desèmber 2010 ora ku nos
a haña e status di pais
outónomo.
Si analisá e aña
koriente, nos reserva di
divisa a fluktua un tiki,
aunke mester bisa ku
semper el a sera luna
riba e márgen di 2 miar.
Ku e tendensia aki di nos
reserva di divisa mester
bisa si ku nos ta kedando
riba e márgen di 4 luna di
importashon.
