Page 37 - EXTRA
P. 37
Djabièrnè 19 Yanüari 2018 39
Kontinuashon di pagina 11
Parlamentario Walroud
sr. Walroud. E ke sa ta
kon por ta posibel ku MFK,
apesar di tur informashon
ku a sali for di e ‘due
diligence’ (screening), awe
MFK ta defendé GZE komo
si fuera MDPT/Gabinete
Rhuggenaath a kometé
un inhustisia kontra di
GZE dor di deklará nulo
tur akuerdonan firmá?
Ta kon ta posibel ku e
mesun MFK pa medio di un
moshon den parlamento
na desèmber 2016 tabata
para riba ku mester hasi un
‘due diligence’ riba GZE,
awe, despues di un aña,
ta ignorá resultadonan di
e mesun ‘due diligence’
kompletamente i hasta ta
bira bon amigu i defensor
di GZE? Ta ki wega tin
anto? Of ta e bishita di
sr. Pik Pisas na China den
2017 a pone e posishon di
MFK kambia 180 grado?
Ta kombenio sekreto
integrantenan di MFK a
sera ku GZE pa huntu chika
pueblo di Kòrsou?
Kontestanan konkreto
riba e preguntanan aki
probablemente lo no bini
nunka. Ta p’esei tambe
kasi no por otro ku MFK ta
hasiendo nada mas i nada
ménos ku e trabou sushi
pa asina konhuntamente
ku GZE purba saka lo ke
ainda por wòrdu saká for
di e akuerdonan firmá
ku GZE. Ku e akto aki
ta perhudiká pueblo di
Kòrsou no ta kos ku MFK
ta wòri kuné. Kasonan
den pasado i kondenanan
risibí den korte ya a proba
ku lider di MFK ta kapas
pa traisioná su pueblo i
konsientemente ta bende
Kòrsou pa sèn i poder. Pues
lo no straña niun hende ku
e bia aki a bende Kòrsou
no ku mafia italiano pero
aviso@extra.cw ku e chinesnan di GZE, sr.
Walroud a terminá bisando.
