Page 36 - EXTRA

38 Djabièrnè 19 Yanüari 2018
Segun Kontrolaria General ta bisa den su relato anual
Ku tempu prensa a bira un aktor
importante pa Kontrolaria General

WILLEMSTAD.-
Resientemente Kontrolaria
General a emití su relato
anual di aña 2016. Den e
relato aki e entidat ta duna
splikashon di su aktividatnan,
su retonan i tambe kon e ta
mira e perspektivanan pa
loke ta e situashon finansiero.
Den su preámbulo e ta bisa
ku, hopi kos a keda meskos
pasobra igual ku e aña
anterior, e aña aki tabata den
lus di mas konsientisashon
riba e ròl di Kontrolaria, tantu
serka komunidat komo serka
miembronan di Parlamento.
Tambe oro trayektonan ku a
start kuné manera promoshon
di profeshonalisashon
i digitalisashon a mira
kontinuashon.
Sinembargo no ta tur
kos tabata meskos. Asina
pues e veredikto di korte
den promé instansia, ku a
bisa ku Kontrolaria lo no
tin e outoridat pa pa por
hasi investigashon na UTS,
tabata un punto negativo.
Mas aleu pa promé biaha a
entregá un opheshon kontra
kuenta anual di pais Kòrsou.
Den e mesun aña aki tabatin
diferente rapòrt trahá a base
di investigashonnan riba
efisiensia. Tambe por a nota
un interes kresiente di parti
di Parlamento, di prensa i
komunidat relashoná ku
rapòrtnan di Kontrolaria.
Asina por bisa ku e rapòrt
Registro di Mandato
(“Mandaatregister”) a sòru pa
un tiki agitashon.
Segun Kontrolaria, kontrali
na otro añanan tabatin
un kantidat relativamente
haltu di investigashonnan
riba petishon di Parlamento.
Esei a pone ku un parti
grandi dje kapasidat pa hasi
investigashon a ser usá
pa “Investigashonnan di
Staten”. Tambe un parti dje
kapasidat aki a ser okupá
pa preparashon dje kambio
di lei di Kontrolaria General
pa nan ta di tal manera
ku no tin espasio pa mas
interpretashon.
Mas aleu den e relato
Kontrolaria ta splika di su
posishon komo un órgano
independiente i tambe di
su aktornan prinsipal. E ta
splika ku Kontrolaria General
ta un Alto Kolegio di Estado i e
punto prinsipal di kontròl riba
gobièrnu.
Parlamento ta e aktor
(stakeholder) mas importante
di Kontrolaria. Banda di esei
gobièrnu tambe komo esun
ku ta ser investigá i ku ta
Sigui lesa pagina 42