Page 13 - bon-dia-aruba-20201026

a13
riba caya Dialuna 26 OctOber 2020

Chaffeur ta perde control y ta dal den cura di cas

Diabierna den careda di 11:45 anochi riba e caminda
principal na Savaneta chauffeur den un auto hyundai
a perde control baha caminda subi acera basha cura di
cas y dal den autonan staciona.

E auto no tabata por a core mas y a yama takelwagen di seguro
pa saca e auto kibra for di den cura di cas di hende. Polis
presenta a tuma dato y papia cu e chauffeur y e doño di cas pa
loke ta trata di nan auto kibra.

Homber riba brommer ta perde control na Bushiri

Diasabra den careda di 9:45 anochi riba e caminda di
Bushiri un homber riba brommer a perde control y a
dal abou banda di caminda.

E persona a keda herida cual mester a pidi personal di ambu-
lance, personanan pasando riba caminda a topa cu e homber
benta abou y asina a solicita polis.

Patruyanan a yega di biaha na e sitio y a cera caminda pa papia
cu e victima herida, paramedico a yega algun rato despues y
atende cu e homber herida di biaha. A transporta pa hospital.
Polis di trafico a haci nan investigacion pa saca afo kico a pasa.

Ruman ta hinca otro den Gielstraat

Diasabra merdia den Gielstraat a surgi problema entre
ruman unda aki un di nan a hinca e otro cu cuchu y a
bandona e sitio den un nissan march.

E persona a keda herida na cas, polisnan a yega di biaha y
atende situacion. Ambulance a presenta pa atende cu victima.
Polis a sali busca sospechoso y a topa cu esun hinca su ruman
a keda deteni warda.