Page 11 - MIN JUS 13 APRIL 2016

Fiscal a exigi 30 luna di prison di cual 10 luna ta condicional y 2 aña di prueba. El a pidi Hues pa aproba e
demanda di mas cu 15 mil florin y pa aplica e medida pa paga.
DEFENSA
Abogado mr. Scheper a bisa hues cu C.R.(29) ta promer biaha cu e ta cay sera. E ta un persona cu no sa
sali hopi y tabatin pensa di casa na December 2015. El a dicidi di stop di studia y busca trabou pa yuda
famia na cas. E tabatin un snack truck y door di su detencion, esaki a causa problemanan financiero na
cas. E abogado ta haya cu no por papia di intencionalmente a causa herida severo. Door di hopi rabia cu
a manda auto riba dje, C.R. a tira e baranca. E victima tabata sinta den auto patras. Door di su rabia el a
coy un baranca grandi. El a reconoce su error. E pregunta ta si e tabata consecuente di e riesgo di daño
cu e lo a causa? E abogado ta di opinion cu No. E abogado a mustra cu esunnan den e auto no a papia e
berdad. Nan tabata envolvi den un pelea na un evento y nan a bay e club nocturno y eynan a bolbe
bringa. E personanan den e auto no ta bisa kico a causa cu C.R. a tira e baranca. E abogado a splica cu
door e personanan aki den auto a manda auto riba dje, el a rabia y a pasa man pa baranca y tira riba e
auto.
http://masnoticia.com/homber-condena-na-20-luna-di-prison-pa-dal-otro-cu-baranca/