Page 12 - MIN JUS 13 APRIL 2016

Hues ta sentencia acusado pa paga 500 florin di boet of 10 dia

cera pa posesion di marihuana

on: April 12, 2016In: CorteNo Comments
Print Email

Diahuebs Corte den Promer Instancia a trata e caso penal contra e homber J.M., kende ta wordo acusa
di posesion di marihuana.
SOSPECHOSO NO A PRESENTA
Aunke cu ni e sospechoso y tampoco su abogado a presenta den Corte, asina mes fiscal a bisa Hues cu e
kier sigui cu e caso. Hues a dicidi cu ta trata e caso sin presencia di e acusado.
CASO
Den su betoog fiscal a bisa Hues J.M. , dia 14 Februari 2014, hunto cu un otro persona, tabata tin
marihuana den nan poder. Fiscal a sigui bisa cu segun e procesverbaal di polis, polis a bay para un auto
di cual informacion a drenta cu un conoci di Polis ta den e auto y cu e lo ta cana arma.
Aunke cu polis a duna e chauffeur indicacion pa para, toch esaki a sigui core. Esey a causa cu a cuminsa
cu persecusion. Durante e persecusion, polis a ripara cu e ocupantenan di e auto a tira un tas afo. Ora cu
polis a logra na para e auto, nan a bin constata cu den e auto tabata tin J.M. como tambe R, kende ta un
conoci di polis R. Ora cu polis a bay coy e tas, a descubri cu den e tas tabatin 59.1 gram di marihuana. A
haci test cu a mustra cu ta marihuana. Ambos persona a wordo deteni y hiba warda di Polis.
Durante interogacion, nan a admiti cu e droga ta di nan y ta pa propio uso.