Page 9 - MIN JUS 13 APRIL 2016

Homber condena na 20 luna di prison pa dal un otro cu

baranca

on: April 12, 2016In: CorteNo Comments
Print Email

Diabierna a presenta dilanti hues e homber C.R. kende ta wordo acusa di a causa heridanan severo na
un hoben B., door di a manda un baranca riba e auto, pero cu a pasa door di windshield y a bay dal e
victima B., den su cabes. Hues a condena C.R. na 20 luna di prison.
CASO
Fiscal a bisa cu ta acusa C.R. cu riba 3 Augustus 2015, el a maltrata un persona cu baranca. C.R. a manda
un baranca grandi di mas of menos 20 cm riba un auto y esaki a kibra e glas di patras y herida B. cu
tabata sinta riba e asiento di patras. E lamentabel incidente aki a sosode den vecindario di un club
nocturno banda di hotelnan grandi. Hues a puntra C.R. kico realmente a pasa. C.R. cu cabes abou a bisa
Hues cu e ta lamenta masha hopi kico a sosode. El a bisa cu e problema a cuminsa paden den e club
nocturno caminda algun homber a bringa cu un amigo di dje, S. Segun C.R., e mes no tabata envolvi den
ningun problema.
Guardia a saca su amigo y e otronan pafor y e tambe a bay pafo. Pafo e pelea a sigui caminda e dos
hombernan a dal su amigo S. den nanishi y fractura esaki. E personanan a bay den un auto y nan lo a
manda auto riba dje. E ora ey el a rabia asina hopi cu el a pasa man pa un baranca grandi y a manda
esaki riba e auto. E baranca a pasa door di e glas patras y dal B. den cabe.
Hues a bisa cu na Polis, C.R. a bisa cu un amigo S. a wordo gedal na nanishi y fractura. E guardia a trece
papel pa limpia nanishi. Segun C.R. ora nan tabata para pafor, e momento ey e persona a manda auto
riba dje. C.R. a bisa Hues cu e tabata sospecha cu e persona kier a kibra su pianan. E ora ey el a coy
baranca y manda riba e auto. El a bisa cu e ta lamenta masha kico a sosode.
Hues a pidi C.R. pa pinta riba papel e situacion pafor unda e auto tabata para y unda e tabata para. El a
mustra cu su man con grandi e baranca tabata. For di loke el a pinta a calcula cu e distancia entre e auto
y C.R. lo tabata 10 meter. C.R a bisa hues cu e ta lamenta masha loke a sosode. Fiscal a bisa cu e ta
compronde cu C.R. ta lamenta pero esey no ta kita afor cu el a perhudica un hoben su bida, kende awor
ta practicamente handicap. Fiscal a exigi 30 luna di prison di cual 10 luna ta condicional cu un tempo di
prueba di 2 aña y a pidi Hues pa aproba e demanda di daño presenta pa abogado mr. Arends Marchena
cu ta algo mas di 15 mil florin.
FISCAL CU E BARANCA DEN CORTE
Fiscal a presenta den Corte cu e baranca y a laga Hues y abogadonan tene e baranca pa asina sinti con
pisa e baranca tabata. Hues a puntra C.R. kico e tabata pensa na momento cu el a coy e baranca. Segun
C.R. e momento ey e tabata sinti hopi rabia cu e persona a manda auto riba dje. Hues a bisa cu e