Page 30 - BAHAN AJAR FLIPBOOK

Tuladha Crita Rakyat Boyolali

MULA BUKANE KUTHA BOYOLALI

Ki Ageng Pandanarang iku sawijining Bupati Semarang kang sugih bandha donya.

Amarga kasinungan bandha iku ndadekake dheweke dadi sombong lan lali ngibadhah. Para

wali mangerteni kahanan kasebut dadi cuwa atine. Sabanjure para wali ngutus Kanjeng

Sunan Kalijaga supaya ngelingake tindake Ki Ageng Pandanarang kang wis nalingsir karo

bebener.

Kanjeng Sunan Kalijaga banjur ngupaya supaya bisa ngelingake tindake Ki Ageng

Pandanarang. Kang kapisan, dadi bakul suket. Suket banjur dituku dening Ki Ageng

Pandanarang kanthi rega kang murah banget. Ki Ageng Pandanarang kaget bareng

nyumurupi ing bongkokan suket mau ana keris kang endah pamore kagawe saka emas.

Nanging, Ki Ageng Pandanarang ora ngerti menawa pacoban saka para wali.

Sawijining dina, Ki Ageng Pandanarang nganakake syukuran kembul bujana

andrawina amarga wis kasil anggone mbangun kraton. Kanjeng Sunan Kalijaga uga rawuh

nanging kanthi namur dadi kawula cilik. Ki Ageng Pandanarang ora ngerti, mung ngira

menawa ana wong kang melu mangari wae. Kanjeng Sunan Kalijaga banjur metu saka

pendhapa, salin panganggo kang sarwo endah banjur bali menyang papan pahargyan

maneh. Ki Ageng Pandanarang pirsa ana tamu agung iku banjur gage-gage mrepegi kanthi

kebak pakurmatan. Kanjeng Sunan Kalijaga banjur ngendika menawa kraton Kadipaten

Semarang pancen katon endah, nanging kuciwane kaendahan kasebut nyebabake wong

dadi lali rnarang kewjibane. Ki Ageng Pandanarang ora ngrumangsani menawa sejatine

pangandikane Sunan Kalijaga mau katujokake kanggo ngelingake lakune Ki Ageng

Pandanarang kang wis adoh saka bebener.

29 | S M P K E L A S V I I