Page 32 - BAHAN AJAR FLIPBOOK
P. 32
Sawise tekan tengahing alas dumadakan dicegat dening durjana cacah loro. Para
durjana iku banjur njaluk Ki Ageng supaya ninggalake bandhane. Sabanjure durjana
cacah loro iku ngrebut pring kuning kang diasta dening Nyi Ageng Pandanarang. Sawise
pring iku dipecah, pancen nyata isine pring mau emas inten barleyan lan dimwit dinar. Nyi
Ageng Kaliwungu mbengok sora njaluk pitulungan marang keng garwa. Krungu sambate
keng garwa iku Ki Ageng Pandanarang banjur duka. Durjana loro kasebut banjur
disepatani. Durjana kang wetenge mblendhing praupane salin wujud kaya praupane
wedhus, kang sabanjure arane Seh Domba. Durjana kang katon kereng praupane salin
wujud dadi kaya ula, sabanjure arane Seh Kewel.
Durjana iku sabanjure ngaku luputlan njaluk pangapura marang Ki Ageng
Pandanarang. Sabanjure durjana cacah loro iku ngabdi marang Ki Ageng Pandanarang,
Sawise ngaso sawetara, Ki Ageng Pandanarang Ian Nyi Ageng Kaliwungu banjur nerusake
lakune ngidul mangetan. Seh Domba Jan She Kewel nginthil ana samburine. Lakune
rombongan wis katon adoh banget. Gunung Merapi lan gunung Merbabu wis den liwati.
Saka kadohan gunung loro iku katon kaya gunung kembar. Nalika srengenge pas ana
ndhuwur sirah, Ki Ageng Pandanarang wis tekan ing kali Tempuran Sabanjure Ki Ageng
Pandanarang terus sholat lohor ana ing sajroning watu Jeter ing satengahing kali
tempuran kono, sinambi ngenteni garwane kang isih ketinggalan ana mburi.
Ora let suwe Nyi Ageng Kaliwungu uga wis tekan ing kali Tempuran. Banjur sesuci
lan salat ing watu Jeter iku uga. Dheweke baur nyawang ing ngarep, Ki Ageng Pandanarang
wis ora katon. "Boya wis lali teka Ki Ageng ninggal aku" grenengane Nyi Ageng Kaliwungu.
Papan kene besok rejaning jaman karan Boyolali. Saka Boyolali Ki Ageng Pandanarang lan
rombongan nerusake laku mangidul ngliwati alas, sawah-sawah lan padhukuhan. Dheweke
terus lumaku nganti tekan ing Tembayat. Sabanmjure manggon ana Tembayat, saengga
ing tembe mburi kondhang karan Kyai Tembayat.
31 | S M P K E L A S V I I
