Page 34 - BAHAN AJAR FLIPBOOK

Sawise tekan ing omahe eyange, Sabanjure terus lungguh bebarengan ing

pendhapa ngrembug bah kahanan paceklik lan ketiga kang dawa uga kawula kang padha

kaliren ing Kademangan Catursari . Raden Bagus Kencana cerita menawa ing kayangan Si

Pendhok ana telaga kang banyune kimplah-kimplah. Dheweke nampa dhawuh saka gurune,

Begawan Abiyasa, supaya bisa ngilekake banyu saka kayangan Si Pendhok menyang

Kademangan Catursari. Sakdurunge srengenge njedhul saka wetan. Raden Bagus Kencana

banjur nyuwun pangestu marang ibu lan eyange.

Kocapa, lakune Raden Bagus Kencana wis tekan ing Kayangan Si Pendhok. Katon

sawijining telaga kang ambane ora mekakat Ian banyune bening banget saengga dasaring

bisa katon. Bagus Kencana banjur matur marang abdine cacah loro iku manawa dheweke

bakal semedi ana kene. Tak jaluk kakang sakloron uga melu nyenyuwun marang Sang

Hyang Widhi supaya kersa ngabulake panyuwun kita kanggo nylametake kawula ing

Kademangan Catursari." Cipta Gareng Ian Cipta Jiyo banjur sarujuk.

Panyuwune Raden Bagus Kencana dikabulake dening Sang Hyang Widhi. Ing

sakjroning semedi kaya keprungu swara, "Bagus Kencana, Panyuwunira sun kabulake.

Banyu arep dikirim liwat ngisor lemah. Mung welingku aja pisan-pisan sirahmu nolah-

noleh." Katon bungah atine Raden Bagus Kencana amarga kang den sedya bisa oleh hasil.

Dheweke lan abdine sakloron banjur gage-gage bali mulih menyang Kademangan

Catursari. lakune Raden Bagus Kencana ora nolahnoieh ngiwa nengen. Dheweke pengin

enggal-enggal tekan ing Kademangan Catursari.

33 | S M P K E L A S V I I