Page 38 - BAHAN AJAR FLIPBOOK

Joko Gentong sing wis nandhang lara lan sangsara anggone nglakoni lelakon iki,

mampir ing sawijining papan kanggo semedi, ing semedi kasebut kacritakake yen awake

Joko Genthong maleh dadi kuru, angel kanggo obah amarga wis ora duwe tenaga.

Nom-noman sing biyen dikagumi wis ora katon kaya biyen, mung meneng wae, mung

kolo-kolo tangan lan sikile obah-obah kaya cacing. Weruh tangan lan sikile Joko Genthong

obah-obah kaya cacing, para pandhereke bocah wadon mau banjur kandha, “wong kok

kaya cacing” lan anehe awake Joko Genthong saya cilik dadi cacing sing banjur pindhah

menyang sumber banyu banjur ilang.

Mula wong loro mau padha ngerti nasibe Joko Genthong lan matur marang cah

wadon yen sumber banyu kasebut jenenge Kali Cacing kanthi pangarep-arep mbesuk

sumber saka iku bisa migunani kanggo wong akeh. Amarga kesel, akhire diputusake adus

sakdurunge nerusake perjalanan mulih.

Kedadean aneh liyane sawise adus, bocah wadon katon luwih ayu, seger lan wis

pulih kekuwatane awak, ananging pangiring e dadi kuru, mung kari kulit lan balung, kabeh

iku minangka akibat saka wangsulane Joko Genthong amarga dikutuk dadi cacing lan

maneh pangiring nyumbari, "Kali cacing mung bakal metu banyune ing mangsa ketiga".

Sakwise ngomong ngono, wong loro mau banjur mulih kanthi rasa sing beda-beda, bocah

wadon mau bungah lan pangiring e sedhih.

Pungkasaning crita kabukten nganti saiki milining kali cacing mung kenceng nalika

mangsa ketiga lan sumbere iki digunakake dening warga kanggo ngombe banyu lan kanggo

kawigaten uwong okeh. Wilayah kasebut banjur dadi desa sing makmur lan diwenehi

jeneng Desa Kali Genthong (Kecamatan Ampel).

37 | S M P K E L A S V I I