Page 35 - BAHAN AJAR FLIPBOOK

Kocapa, lakune Raden Bagus Kencana wis tekan dhukuh Tlatar. Dumadakan krungu

swara gembrudug kaya ana gunung jugrug. Saknalika banjur noleh nyang mburi. Banjur

kaget bareng nyumumpi banyu kang nyembur saka nglemah. Saya suwe banyune saya akeh

arep ngebakijagad. Raden Bagus Kencana katon keduwung atine amarga dheweke noleh

nyang mburi, amarga ing Kayangan Si Pendhok mau wis diweling ora kena noilah-noleh

lakune.

Ya, amarga nolah-noleh iku kang njalari banyu kang dikirim liwat ngisor lemah

banjur njebos ana ing dhukuh Tlatar. Saliyane iku dheweke uga bingung anggone golek

cara supaya bisa nyumpeli umbul Tlatar, karepe ben Tanah Jawa ora dadi segara. Raden

Bagus Kencana banjur bali sowan maneh menyang Kayangan Si Pendhok. Banjur semedi

maneh nyuwun pepadhang saka Sang Hyang Widhi. Sawise semedi pitung dina lawase

banjur nampa wangsit. "Bagus Kencana, umbul ing Tlatar sumpelana nganggo gong kang

digawe saka emas. Wis saiki sira enggal baliya menyang Kademangan Catursari. Banyu

arep ngetutake lakumu." Raden Bagus Kencana banjur enggal-engal ninggalake kayangan

Si Pendhok bali mulih menyang Kademangan Catursari.

Sawise sawetara wektu lumaku, dumadakan keprungu swara gembrudug ing

samburine. Banjur dheweke noleh. Lha· kok ana banyu kang ngetutake lakune Raden Bagus

Kencana. Sabanjure Raden Bagus Kencana terus mlayu banter banget nganti tekan

Kademangan Catursari. Miline banyu kang ngetutake lakune Raden Bagus Kencana mau

banjur dadi kali kang ngliwati Kademangan Catursari. Kali kang anyar iki banjur diarani

kali Buthak, amarga rikala dumadine banyune buthek banget.

34 | S M P K E L A S V I I