Page 37 - BAHAN AJAR FLIPBOOK

KALI CACING

Ing jaman biyen ana pawongan enom kang jenenge Joko Genthong. Joko Genthong

iku urip ana ing sawijining desa. Nalika wis diwasa, dheweke dadi siji-sijine nom-noman

kang urip ana ing ing desa kasebut. Joko Genthong seneng semedi ing panggonan kang

sepi sing kerep diarani panggonan kang mbebayani lan angker, nanging Joko Genthong

nganggep ora kaya mangkono. Miturut panemune, papan kasebut kepenak, aman lan

tentrem. Suwe-suwe jenenge Joko Genthong saya misuwur, Solah bawane sing sopan

ndadekake dheweke disenengi dening wong akeh.

Ing jaman biyen ana kedadeyan sing ora nyenengake lan gawe kuciwane

masyarakat. Nom-noman sing manggon ing dhusun Joko Genthong gelut karo wong enom

liyane saka dhusun tanggane, wiwitane regejegan iku mung salah paham, nanging

pungkasane dadi padu. Sawisé perkoro dadi rame, Joko Genthong melu campur tangan

amarga desane kewalahan nampa serangan saka warga desa liyane lan pranyata dheweke

bisa menang.

Wiwit iku jenenge Joko Genthong saya kondhang lan dadi omongan wong tuwa,

kang kepengin ndadekake mantune. Malah akeh uga wong wadon kang teka ing omahe Joko

Genthong kanthi niyat kepengen dadi bojone (ngunggah-unggahi), nanging ora ana wong

wadon siji-sijia sing narik kawigatene. Sawijining dina ana bocah wadon kang ngancem

yen lamarane ora ditampa, wong tuwane bakal meksa lan yen ora kasil, dheweke bakal

dipateni.

Banget kagete wong tuwane Joko Genthong meruhi anake ora ana ing omah, banjur

digoleki ing desa-desa sakiwa tengene, nanging ora ana sing ngerti lungane Joko

Genthong menyang ngendi.

36 | S M P K E L A S V I I