Page 2 - Tantri Basa Jawa Kelas 6 (Bab 4)
P. 2
Mbabar Wawasan
Sawise sinau wulangan 4 iki, kaajab bocah-bocah bisa:
ngarani pangertene cangkriman, njlentrehake titikane cangkriman,
lan bisa mbatang isine cangkriman. Sabanjure, bocah-bocah uga
kaajab bisa gawe utawa nulis cangkriman, sarta nggunakake
cangkriman mau kanggo badhekan karo kanca-kancane.
Lagokna tembang ing ngisor iki bebarengan karo kancamu!
Sumber:http://nurdwi-rizkiana.blogspot.sg
Bapak pucung buntut dawa sirah gembung,
Mbanterake swara,
Lamun urip nganggo listrik,
Munggah panggung saben ana adicara.
Sawise nembang bebarengan, coba wangsulana pitakon ing
ngisor iki!
1. Tembang ing dhuwur diarani tembang apa?
2. Isine tembang ing dhuwur satemene mujudake cangkriman.
Apa batangane?
3. Coba goleka tembang liyane sing uga ngandhut cangkriman.
Rembugen karo klompokmu!
Tantri Basa kelas 6 kaca 64
