Page 4 - Tantri Basa Jawa Kelas 6 (Bab 4)

Ukara pitakonku:
.................................................................................................

................................................................................................
Wangsulane kancaku:

.................................................................................................
................................................................................................

Wacanen sing tliti!
Globalisasi

Saiki jamane wis maju. Samubarang gawe wis nggunakake
piranti sing sarwa modheren. Kabeh ngarani iki jaman globalisasi.
Yen jaman biyen, kenthongan digunakake kanggo tandha anane
bebaya, umpamane titir terus-terusan tandhane ana banjir gedhe.
Mula para warga kudu enggal metu saka omah lan ngungsi golek
papan sing aman. Saiki kenthongan mau wis diganti nganggo
piranti canggih kaya dene sirine sing otomatis bakal muni menawa
ana banjir utawa tsunami. Semono uga menawa ana gunung

mbledhos, angin gedhe, lan liya-liyane.
Nalika ana dulur adoh sing arep kirim kabar, ora kudu
ngenteni surat sing tekane bisa pirang-pirang dina. Cukup nganggo
telepon utawa handphone , sakala kabar mau wis bisa teka marang
wong sing dituju.
Perusahaan sing duwe cabang ing ngendi-endi, upamane
nganti ana manca negara, bisa nganakake rapat bebarengan tanpa
kudu padha lungguh sapejagong . Ngono mau adate wong sing lagi
rapat. Saiki patemone wong sing beda panggonan, bisa kaleksanan
kanthi sarana teknologi canggih. Ya patemon ngono kuwi sing

.
diarani teleconference Ana kene digunakake audio conference lan
video conference Yen audio conference mung nggunakake swara,
.

nanging video conference , saliyane krungu swarane, uga bisa
ndeleng gambare wong sing lagi padha melu rapat.
Biyen wong dol-tinuku iku kudu ana pasar, toko, utawa
panggonan saemper liyane. Saiki ana pasar modheren sing
nggunakake majune teknologi. Umpamane: dodolan sarana online.
Olehe nawakake barang cukup nganggo internet. Semono uga sing

Tantri Basa kelas 6 kaca 66