Page 7 - Tantri Basa Jawa Kelas 6 (Bab 4)
P. 7
Gladhen 1: Mangsuli Pitakon Bab Globalisasi
Wangsulana pitakon ing ngisor iki adhedhasar wacan ing
ngarep!
1. Apa tegese globalisasi? Coba jlentrehna!
2. Apa sing nyebabake pawarta saindenging jagad raya iki cepet
banget sumebare?
3. Apa pengaruhe globalisasi tumrap seni lan budaya bangsa?
4. Sapa sing kudu nglestarekake lan ngrembakakake kabudayan
Indonesia?
5. Apa sing kudu ditindakake supaya bangsa Indonesia ora
kelangan jati dhirine?
Gladhen 2: Mengerteni Bab Cangkriman
A. Wacanen sing tliti!
Arya durung gelem leren anggone ndeleng TV, najan wektu
wis nuduhake jam sanga bengi. Ibune bola-bali ndhawuhi supaya
Arya leren olehe ndeleng TV. Arya kudu nerusake olehe sinau lan
nata buku, supaya sesuk ora ana buku sing keri kaya adate.
Karo rada mbesengut, Arya mateni TV banjur mlebu kamar.
Sadurunge mlebu kamar, dheweke sing kober nyaut HPne
mbakyune sing gemlethak ana meja cedhak lawang kamare. Ora
sinau lan nata buku, Arya malah mbukak game ana HP. Ora krasa
olehe dolanan nganti bengi. Pungkasane Arya malah keturon.
Tangine kawanen, sawise bola-bali ibune nimbali saka pawon.
Arya age-age mlayu adus, banjur budhal sekolah. Ora kober
sarapan amarga wis kawanen.
Tekan sekolahan wis sepi. Lawang kelase wis ditutup. Karo
rada keweden, Arya ndhodhog lawang lan uluk salam. Bu Yuni
banjur mbukak lawang lan ngutus Arya mlebu kelas. Arya isin lan
bingung banget nalika kanca-kancane padha ngguyu kemekelen.
Apa maneh kancane sing jenenge Bintang banjur alok banter.
kaca 69 Tantri Basa kelas 6
