Page 12 - Tantri Basa Jawa Kelas 6 (Bab 4)

Bedheken cangkriman sing sinawung ing tembang ana ngisor
iki bebarengan karo klompokmu!

1. Bapak pucung endi elor endi kidul,
Laku tapa brata,
Mung kepingin bisa malih,
Dadi kupu si pucung wedaring tapa.
Badhekane: .....................................................................

2. Bapak pucung amung sirah lawan gembung,
Padha kinunjara,
Mati sajroning ngaurip,
Mijil baka si pucung dadi dahana.
Bedhekane: ....................................................................

Gladhen 2: Nggunakake Cangkriman

Ing ngarep bocah-bocah wis sinau bab isine cangkriman.
Satemene gampang lho ngapalne cangkriman iku. Sing penting
kudu sering digunakake utawa diucapake. Apa maneh yen dianggo
dolanan karo kanca-kancamu saben dina, mesthi gampang bisa lan

apal.
Ora mung ngerti lan apal, kepara mengko bocah-bocah bakal
bisa gawe dhewe cangkriman anyar sing luwih apik lan cocog karo
jamane saiki. Sing penting gelem sinau, blajar, mesthi bakal bisa.
Supaya luwih gamblang bab cangkriman, ayo semaken, banjur
paragakna sawijining teks pacelaton sing isine cangkriman kaya ing
ngisor iki! Paragakna bebarengan karo klompokmu!
Arya : Nif, ayo bedhek-bedhekan.
Hanif : Ayo, karo ngapalne cangkriman ya...dhawuhe Bu Guru
minggu ngarep ulangan bab cangkriman.
Arya : Aku dhisik ya...

Hanif : Iya, wis.
Arya : Kebo picak matane pira hayo?
Hanif : Halah ya gampang. Lek ora picak kebo iku matane loro.

Tantri Basa kelas 6 kaca 74