Page 3 - Tantri Basa Jawa Kelas 6 (Bab 5)

Pasinaon 1
Modhel Teks Pinilih

Bocah-bocah, ing pasinaon iki kowe kabeh bakal dijak
nyinaoni babagan sesorah. Sesorah tegese padha karo pidhato
utawa pamedhar sabda. Kanggo sesorah/ pidhato/ medhar sabda

perlu disiapake naskah luwih dhisik, supaya nalika sesorah/
pidhato/ medhar sabda bisa rancag lan ora nglantur.

Ayo saiki bebarengan nyemak tuladha teks pidhato ngisor iki!

Assalamualaikum Wr. Wb.
Nuwun Bapak Ibu Kepala Sekolah ingkang kinurmatan, tamu
undhangan, Bapak Ibu Guru saha karyawan ingkang kula hormati,
para siswa tuwin rencang-rencang ingkang kula tresnani.
Puji syukur konjuk wonten ing ngarsanipun Gusti Allah ingkang

Maha Asih, awit ing wekdal menika kita sedaya taksih pinaringan
rahmat saengga ing wekdal menika kita saged makempal kanthi
pinaringan karahayon.
Kula remen sanget dene ing kalodhangan menika kula
minangka wali siswa dipunparingi wekdal kangge sesorah ing
sekolahan mriki. Atur panuwun ingkang tanpa upami dhumateng
Bapak Ibu Guru saha Bapak Kepala Sekolah ingkang sampun
maringi wekdal tumrap kula kangge nularaken kawruh ing babagan
usaha damel rengginang tengiri.
Bapak Ibu Guru, Bapak Kepala Sekolah ingkang kinurmat,
para siswa ingkang kula tresnani, perlu kawuningan bilih anggen
kula nindakaken usaha rengginang tengiri menika sampun
lumampah 17 taun. Nanging usaha kula menika mboten langsung
lancar lan maju kados samenika. Kathah pepalang ingkang kula

adhepi. Kanthi bandha tekad, ulet, lan semangat ingkang makantar-
kantar sekedhik mbaka sekedhik usaha kula saged lancar.
Samenika rengginang tengiri prodhuk kula sampun dados jujugan
tiyang damel oleh-oleh khas saking dhaerah mriki. Bab menika

kaca 81 Tantri Basa kelas 6