Page 43 - MAJALAH DIGITAL LENTERA ILMU
P. 43
KARYA GURU
Geguritan
Guru Tuwa ing Sakjerone Jaman Komputer
Aku iki guru tuwa sing lair saka kurikulum kuna
Pasinaon sarwa dieja, kadi ilmu etung tumekan hanacaraka basa jawa
Semono uga nalika mulang muruk siswa
Dakwutah babarke kabeh apa sing aku bisa
Ora sithtik siswaku sing mentas pinter, ana sing dadi guru kaya aku
Bidan, polwan, polisi, pramugari, suster, lan dokter
Marem anggonku nyawang, nganti ati rasa mak seeerrr...!
Ananging bareng saiki jaman wis owah ing sakkabehe arah
Thirik-thirik kurikulum anyar ditata apik ing rak sekolah
Murih ngetut majune jaman kareben generasi muda ora ketinggalan karo bangsa liyan
Aku guru tuwa gedhek-gedhek ora bisa tumindak apa-apa
Aja maneh mulang muruk siswa nganggo cara daring ing layar hape
Nunyul hurufpe bae durung nate
Laptop, tablet, apa tah komputer blas aku ora pinter
Akal pikirku ora nyandhak babar pisan kaya guru nom-noman
Sing lair saka kurikulum gagrak anyar kang nduweni panjangka kabeh siswa
Kudu bisa maca nulis etung nganggo sarana internet lan android
Wah, wah, wah...!
Akalku saya keblinger, malah
Amarga pungkasane ora bisa mbedakke endi siswa bodho, endi sing bener-bener pinter
Siswa bodho wis dadi jamak ngalahke sing pinter, amarga sregep nggolek ngepek wangsulan saka
mbah google ana ing komputer
Ewodene sing pinter ora duwe komputer, anane bingung mung mutar-muter
Yen kaya mangkono kahanane, guru tuwa sapa jajal sing ora keder
Endi sing bener?
Klik tombol play untuk
mendengarkan Geguritan
Majalah Digital - Lentera Ilmu 42
