Page 44 - MAJALAH DIGITAL LENTERA ILMU
P. 44
KARYA GURU
Geguritan
“NGANGKLUHE GURU NDESA”
Dina dakrasa katon dawa meh rung warsa
Nyenyet latar sekolah ora ana sliwer playune bocah
Anggawe ati guru sang saya jengah
Korona sing teka dumadakan tanpa wara-wara
Pageblug gedhe sakjerone negara, kang bisa anjalari lara patine manungsa
Ora milih gedhe cilik, bayi dhewasa, enom apa tuwa
Kalebu bocah sekolah sing saben dina dakopeni saksuweni iki uga
Kanggo keslametan, panguasa enggal paring perintah
Bocah-bocah kon sekolah ana ngomah
Bapak Ibu guru mulang wuruk saka sekolah
Nganggo cara daring, sing ora kabeh bocah bisa diparing
Pungkasane bocah padha bingung, kon sekolah malah saya mbambung
Sambat rama biyung, wong tuwa malah tulang-tulung
Amarga ora ngerti ana tugas saka guru sing kudu diisi
“Kula niki tiyang ndesa Pak Guru, mboten gadhah android napa pulsa
Ingkang saben wektu mboten saged ketuku,
Amargi arta telas kangge tumbas segelas beras lan gereh pethek”
Dudu babagan sekolah pikir wong ndesa cethek
Ananging njaga weteng ben ora nganti luwe, wis rumangsa seneng gedhene
Mireng nggresulane wong tuwa bocah kaya mengkono
Guru ndesa meneng ora bisa mangsuli apa-apa karo mlongo
Sardono Syarief, guru SDN 01 Domiyang, Kecamatan Paninggaran, Kabupaten Pekalongan, Jateng 51164
kulina nulis geguritan, puisi, cerita, esai, lan lagu siswa ing media cetak.
Pak Guru sing kadhang nganggo pasinglon jeneng Esdeen Syarief iki bisa disrawungi ana ing
Fb.sardono.syarief, IG @sardonosyarief, email: esdeensyarief583@gmail.com, lan WA : 0852 2625 2146
Klik tombol play untuk
mendengarkan Geguritan
Majalah Digital - Lentera Ilmu 43
