Page 94 - testmergebrochureV0604

Mir däerfen net vergiessen datt et sech hei ëm Amateursmuseker
handelt! 98 Prouwen dat heescht 2-3 Prouwen an der Woch, 2-3
Owenter wou d’ Leit bereet sinn fir sech mat de Kollegen zesummen
ze setzen an ze üben während enger fester Zäit. An dann nach
d’Prouwen doheem.

Wa virun 20 Joer den Nowuess ee Problem war well d’
Musekserzéiung zentraliséiert war, dann ass haut de Problem, dat
vill Jonker sech net méi wëllen engagéieren an deen doraus
resultéierende Pensum u Prouwen net méi wëllen op sech huelen. Si
léieren hiert Instrument am Conservatoire mee wëllen net nach
zousätzlech an d’ Prouwen vun der Musek goen: si hëllefen mol aus,
mee si wëlle keen dauerhaft Engagement doraus maachen. Hei geet
et den Harmonie a Fanfaren net besser wéi de Sportsveräiner. Sech
dauerhaft engagéieren ass net méi ugesot.

An dat gëllt net nëmme vir d’ Museker; och den Dirigentenowuess
ass am Ament ee Problem, fir deen d’ UGDA no Léisunge sicht.

4. Schlusswuert

Wat wier eis Kultur a wat wieren déi ganz kulturell Institutiounen
ouni den Asaz vun esou Amateursveräiner? Wann ee bedenkt wéi
grouss d’ Offer u Concerten (passiv an interaktiv) an deene lescht
Joer ginn ass, esou kann een sech kaum virstellen datt et fir dës
Offer géif eng Clientèle ginn wann Harmonien, Philharmonien a
Fanfaren iwwert Land hiren Memberen net ëmmer erëm géifen
d’Loscht um Musek maachen a Musek lauschtere vermëttelen.
Andeems si sech selwer ëmmer erëm erausfuerderen mat neie
Programmer fir hier Concerten, Arrangementer déi deels mussen
vun den Dirigenten selwer geschriwwe ginn, erweidert hei eng
Generatioun Museker no der anerer hiert Verständnis fir Musek, a
mécht virwëtzeg op Musek allgemeng.