Page 91 - testmergebrochureV0604

Et entwéckelt sech ëmmer méi ee Gefill vun nationaler Eenegkeet.
Dem Land geet et ëmmer besser: Eisenäerz gëtt am Süden vum Land
entdeckt, an si fänken un iwwerierdesch ofzebauen. Och wann d’
Qualitéit vum Eisen nach net ideal ass, esou entwéckelt sech och dës
Géigend rapid, a mat dem industrielle Fortschrëtt di sech och hei
Aarbechter zesummen an grënnen déi éischt Museken: 1871, an
dem Joer wou de Friddensvertrag tëschent de Preisen an de
Fransousen ënnerschriwwe gëtt, grënnen e puer Lëtzebuerger mat
hiren italieneschen Kollegen d’Harmonie Municipale Esch/Alzette.
1872 ass d ’Joer vun der Grënnung vun der Harmonie Municipale
Péiteng an 1891 gëtt Harmonie Municipale Rëmeleng gegrënnt, fir
nëmmen e puer Beispiller ze nennen.

Et geet elo Schlag op Schlag an 1883, 19 Joer no hirem grousse Fest,
huet d’ ALM 126 Memberen. Museke sinn also ee wichtegen
Bestanddeel vum soziokulturelle Liewen ginn. Kee Fest, keng
Kiermes, keng Hochzäit ouni den Asaz vun der lokaler Musek. Mir
sinn also aus dem Bourgeoisen oder nei-räichen Kader erauskomm,
a Musek, souwéi d'Musekserzéiung sinn aus dem Liewen vun de
Leit, sief et Aarbechter, Bauer oder Beamten, net méi
ewechzedenken. Jiddereen huet Zougang , esouguer Fraen. Ab 1896
ginn et Texter wou dokumentéiert ass, dat och Fraen mat an d’
Veräinsaktivitéit agebonne sinn.

20t Joerhonnert bis haut

Di éischt Halschent vum 20te Joerhonnert ass och fir d’ Museke vun
de Weltkricher markéiert. Net nëmmen mussen eis Jongen an de
Krich zéien an d’ Lëtzebuerger sech ëm di néidegst Saache
këmmeren fir ze iwwerliewen, mee am 2te Weltkrich decidéiert d’
UGDA esouguer sech opzeléisen, an dëst fir net mussen mat der
däitscher Besatzungsmuecht zesummen ze schaffen. Déi zweet
Halschent vum 20te Joerhonnert ass duerch wirtschaftlech Héichten
an Déifte markéiert. Nom Opschwong aus den 50er a 60er, kënnt d’
Kris an der Eisenindustrie an de 70er. Wëll een eigentlech nach