Page 86 - testmergebrochureV0704_2

1954 de Bicher no an d'Fanfare de Leudelange agetratt, wou hie
virdrun awer schonns aktiv wor, huet net laang gedauert bis de Jang
an de Comité gewielt ginn ass. 1962 huet de Jang d'Keess iwwerholl
déi hien 1984 un den John Engler ofgetrueden huet.

Och als Archivar oder „Jean Fait-tout“ huet hien sech en Numm
gemaacht sief et fir d'Nouten ze klasséieren oder d'Material an der
Rei ze halen. Esou war hien dreiwend Kraaft wéi et geheescht huet
een neien Musekssall an eegener Regie ze bauen, den 1961 feierlech
ageweit gouf. Och der Musek hiert eegent Festzelt, fir e puer
honnert Leit, huet en 1971 mam deemolegen President Théo
Kollwelter geplangt a mat den Memberen vum Veräin gebaut.

D'Holzkonstruktioun heizou koum aus de Leidelenger Bëscher an
ass vun der Gemeng zur Verfügung gestallt ginn.
Eisenverbindungsstécker goufen zu honnerten gebéit a
verschweesst, Kiloweis Schrauwen an Neel goufen verschafft. Fir all
Handgrëff hate mer en Handwierksmann an eise Reien. De Jang war
den A + O.

Et waren schonn flott Zäiten wou Bëschfester ( déi éischt beim
Fräiheetsbam am Grasbësch, duerno op der Escher Strooss am
Ausgang vu Leideleng ) an Zeltfester op der Strooss wou elo
d'Crèche“ Petits choux“ steet, oder beim Musekssall an der rue du
Lavoir gefeiert goufen, an iwwerall war de Jang den Éischten an de
Leschten. Säi Moto op de Fester war: Jongen kaaft anstänneg Wuer
fir z'Iessen an ze Drénken, net dass mer eis selwer krank maachen.

E „Must“ war dem Jäng seng selwergemaachten Rousendrëpp déi
een nëmmen bei besonnesche Geleeënheeten ze schmaache krut.
Keng Tombola wou hien als geléierte Schlesser net Dosenden vun
„fer-forgé“ Géigestänn hiergestallt huet. Och seng Madamm d'Mim
huet am Hannergrond d'Fiedem gezunn an hat d'Soen beim
Schaffen iwwer d'Regiment vun de Fraen an der Musek.