Page 6 - kapidaraan canva book-el_Neat
P. 6
"Bah, o Bah, Mama datang, jar." Ulun badadas menyimpuni rumah nang tahambur
salawasan Galuh garing.
"Siapa Ding, Mama sapa?" ujar abahnya Galuh penasaran.
"Mama pian pang, ampah sini jar."
"Mama tang Sungai Bilukah, maksud ikam Ding?."
"Inggih, handak ka masigit Al-Falah ujar Bah ai, ada Habib Umar klo isuk."
"Ya ai. Sukur am Nini datang, Nak ai." Tangan Abah mamusuti kapala Galuh nang
sudah taguring.
"Pian ambili gin Bah ai, tunggui ka Simpang Ampat, parak pos pulisi ujar tadi."
"e…" Abah badadas maambil kupiah mamaraki lawang handak maambili Mama
mintuha.
***
Suara hunda parak dimuhara lawang. Ulun lihat Mama babaju gamis hirang tukaran
Mama sawaktu sidin haji tahun lewat. Kada katinggalan bolang bakakamban hirang
mambawa dua tas tanggung.
"Assalamualaikum, o cucu nini mana ini sudah guringankah."
"Waalaikum salam Mak, inggih sudah guringan si Galuh Mak ai."
