Page 11 - Afrikaans e-Book (Grade 1-4)
P. 11
Een middag lê hulle op die gras langs die
rivier en kyk na die wolke. “Eendag,” sê Lisa,
“eendag gaan ek op die maan dans.”
“Maar, Lisa,” sê Bennie, “hoe gaan jy dit
doen? Die maan is dan so ver?”
“Ek gaan op ‘n wolk spring en die wolk gaan
my na die sterre neem en die sterre gaan my
na die maan neem. Op die maan gaan ek
dans en dans en dans. Almal gaan my sien.
Dan sal niemand vir my lag nie.
“Ek lag nooit vir jou nie,” sê Bennie. Lisa is
stil.
“Wat is jou droom, Bennie?” vra Lisa na ‘n
tydjie.
“My droom? Sjoe! Ek weet nie.” Bennie sit
lank en dink daaroor. Uiteindelik antwoord hy
haar. “Ek wil net in my bootjie sit en visvang
en met my maatjie na die wolke kyk.” Bennie
kyk vir haar met ‘n breë glimlag. Lisa glimlag
terug. Sy gaan baie na Bennie verlang.
