Page 15 - Afrikaans e-Book (Grade 1-4)

O, hoe wonderlik! Hier tussen die sterre wat
skitter. Hoe gelukkig is sy nie. Sy is nou ver weg

van al daardie mense wat altyd vir haar gelag het.

Sy dink aan Bennie en voel ‘n bietjie hartseer. Sy

gaan na Bennie verlang.

Sy sien toe die maan en haar voete land saggies

daarop. Sy het dit gemaak!

Sy begin dans. Haar droom het uiteindelik waar
geword. Sy kan nou dans sonder dat enige

iemand vir haar lag of spot. Nog nooit het sy so lig,

so gelukkig en so vry gevoel nie.

Elke dag en elke nag dans Lisa en die mense van

onder af kyk na haar en sien hoe mooi sy dans.
Hulle vra almal vir mekaar: “Wie is daardie meisie

op die maan? Kan dit rêrig Lisa wees?” Almal

praat van hoe mooi sy dans en hoe gelukkig sy

moet wees, maar een seun wonder of sy dalk na

almal verlang. Bennie.

In sy bootjie sit ou Bennie en verlang na sy

vriendin. Hy kyk op na die maan. Daar is sy. Daar
dans Lisa.