Page 20 - Afrikaans e-Book (Grade 1-4)

Lisa bars in trane uit. Bennie is verstom.

“Hoekom huil jy? Is jy nie gelukkig om my te

sien nie?”
“Nee. Ek is baie bly jy is hier,” sê Lisa met

groot snikke. Sy gaan sit op die grond.

“Nou wat is fout?” vra Bennie.
“Dit was my droom om op die maan te dans en

om vir almal te wys hoe wonderlik ek is. Ek het

dit gedoen, maar ek is so hartseer. Ek verlang
huis toe. Ek verlang na my mamma en my

pappa en ek verlang na jou. Dit is so eensaam

hier op die maan!” Lisa huil harder en die trane
vloei al hoe meer.

Bennie kyk na haar. Hy verstaan nie hoekom

sy so tekere gaan nie. Dis mos eenvouding.
“Kom dan terug,” sê hy.

Lisa kyk hom vies aan. Verstaan hierdie seun

dan niks nie?
“Ek kan nie! Dit was my droom om op die maan

te dans.” Sy kyk weg ..
“Maar drome kan mos verander. Jy hoef nie jou

hele lewe net aan een droom te glo nie.”

Lisa kyk vir Bennie. “Jy hoef nie?” Bennie
gaan sit langs haar en praat.

“Wat is jou gunsteling ding om te doen?” vra hy.