Page 19 - Afrikaans e-Book (Grade 1-4)

Soos die dae verbygaan, raak Bennie meer en

meer bekommerd oor Lisa. Hy besluit om die vol-
gende dag na haar toe te gaan. Hy is bang. Hy

het nog nooit so ver weg van die huis gereis nie,

maar Lisa het ‘n vriend nodig.

Bennie klim in sy bootjie en kyk na die wolke. Hy
trek sy visstok terug en gooi die hoek in die rigting

van die naaste wolk. Hy vang die wolk. Net toe hy

wil uitroep van blydskap waai ‘n sterk wind die

wolk weg, maar Bennie, wat aan die visstok
vashou word saam gewaai. So vlieg Bennie deur

die lug. Hoër en hoër.

Hy kom tot bo in die hemelruim en ‘n verskietende
ster vlieg verby. Vinnig vang hy die ster met sy

vissstok. Die ster vlieg so vinnig dat hy amper die

maan mis. Bennie dink darem vinnig en spring

met sy visstok van die ster af. Ploef! Daar val hy

op die maan. “Eina!” dink Bennie.
“Bennie!”

Bennie draai om en sien vir Lisa. Haar oë groot

van verbasing. “Wat maak jy hier?” vra sy.
“Ek was bekommerd oor jou,” sê Bennie, “Jy het

opgehou dans.”